Ésaïe 14:7 - Mbeti ti Nzapa - Tënë so amu fini

⁷ Fadeso, sese kue awu tere si aduti kpoo. Azo ayeke dekongo na ngia.

Ésaïe 14:7 Referans Kwoze

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Aye so Nzapa afa 18:20

Ala so kue ayeke na yayu, ala duti na ngia ndali ti so Babilone ati awe! Ala azo ti Nzapa, *awatokua ti Nzapa, awayanga-Nzapa, ala duti na ngia ndali ti so Nzapa afâ ngbanga na li ti Babilone ndali ti ye so lo sara na ala!

Jérémie 51:48

Fade azo ti bubango kodro ti Babilone ayeke londo na mbage ti Banga ti ga. Tongaso yayu na sese ayeke he bia ti songo benda na ndö ti Babilone.” So tënë ti yanga ti KOTA GBIA laa.

Amato 11:10

Tongana ye ti azo ti mbirimbiri aga nzoni, azo ti gbata ni ayeke na ngia; tongana azo ti sioni akui, azo ti gbata ni ayeke dekongo na ngia.

Abia (Psaumes) 98:1

Bia. Ala he fini bia na *KOTA GBIA, ngbanga ti so lo sara akota ye. Na lege ti ngangu ti lo, na lege ti ngangu ti lo ti Nzapa, lo so benda awe.

Abia (Psaumes) 47:1

Bia ti azo ti Kore; bia so ayeke ndali ti makonzi-bia.

Zakarii 1:11

Tongaso, azo ti kpengo na ambarata atene na ange ti KOTA GBIA so ayeke luti na popo ti akeke ti mirte so, atene: “E tambula na ndö ti sese kue, sese ni ayeke kpoo si wusuwusu ayeke daa oko pepe.”

Ésaïe 21:2

Na ya ti mbeni ye tongana bango-li, mbi baa mbeni ye so ayeke sioni mingi: zo so lani ayeke na ya ti *mbuki, lo ga zo ti kango azo, zo ti bubango ye ayeke sara kua ti lo. *KOTA GBIA atene: “Azo ti Elam, ala londo na bira ma! Azo ti Medii, ala ngoro gbata ni na bira! Mbi yeke sara titene dema kue akai.”

Ezekiel 35:14

“Tënë so mbi Kota Gbia NZAPA, mbi tene ayeke so: Na ndembe so azo ti kodro kue ayeke duti ande na ngia, mbi yeke sara si mo ga benyama.