Ésaïe 13:14 - Mbeti ti Nzapa - Tënë so amu fini

¹⁴ Tongaso, tongana dengbe so zo ayeke tumba peko ti lo, tongana ataba so zo ti batango ala ayeke daa pepe, fade zo oko oko ayeke mu lege ti gue na mbage ti azo ti lo, zo oko oko ayeke kpe ti kiri na kodro ti lo.

Ésaïe 13:14 Referans Kwoze

1 Agbia 22:17

Tongaso Mishe atene: “Mbi baa azo ti Israel kue akangbi kirikiri na ndö ti ahoto, tongana ataba so zo ti batango ala ayeke daa pepe. KOTA GBIA atene: ‘Makonzi ti azo so ayeke daa oko pepe. Ayeke nzoni zo oko oko akiri na ndo ti lo na siriri.’ ”

Jérémie 50:16

Ala zi na kodro ti Babilone zo so kue ayeke lu ale ti kobe; ala zi nga azo so kue ayeke fâ ale ti kobe. Tongana bira aza wâ, ayeke nzoni zo oko oko akiri na ndo ti azo ti lo; zo oko oko akpe ague na kodro ti lo wani!

1 Agbia 22:36

So lâ akui awe, mbeni dekongo alondo na ya ti bâbâ ni, atene: “Zo oko oko akiri na gbata ti lo! Zo oko oko akiri na ndo ti lo!”

Jérémie 51:9

– “E ye ti kai kobela na tere ti Babilone, me tere ti lo aga nzoni pepe. Ayeke nzoni e zia lo, zo oko oko akiri na kodro ti lo. Biani, ngbanga so ati na ndö ti lo ayeke ngangu mingi; ague ngbii asi na le ti nduzu, ague ngbii asi na ambinda.

Ésaïe 47:15

Baa ye so ayeke si ande na azo so mo baa pasi senge senge ti bango ala ngbene ye so mo de maseka. Fade ala yeke hon kirikiri, zo oko oko na lege ti lo; zo oko ti soo mo ayeke daa pepe.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Matthieu 9:36

So lo baa gba ti azo so, mawa agbu be ti lo ndali ti so ngangu atia ala si be ti ala awoko kue; ala yeke tongana ataba so zo ti batango ala ayeke daa pepe.

Marc 6:34

So Jésus asigigi na ya ti ngo ni, lo baa gba ti azo; mawa ti ala agbu lo, ngbanga ti so ala yeke tongana ataba so zo ti batango ala ayeke daa pepe. Tongaso lo fa aye mingi na ala.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

Ésaïe 21:15

Biani, azo ni akpe bira, ala kpe yongoro zeme so ayeke nduru ti fâ ala, ala kpe kokora so a gboto na tere ti ala, ala kpe kpale so bira ayeke ga na ni.

Jérémie 25:12

“Me tongana ngu balembarambara so ahunzi awe, mbi wani, mbi yeke ga na tere ti gbia ti Babilone nga na tere ti azo ti kodro ti lo ndali ti sioni so ala sara; so tënë ti yanga ti KOTA GBIA laa. Mbi yeke ga na tere ti kodro ti azo ti Babilone; mbi yeke sara si kodro ni aga ye ti dongo be kpu na kpu.

Nahum 3:18

Mo, gbia ti Asirii, akomanda ti mo alango biani biani awe, aturugu ti mo ti kota kamba alango na du ti kuâ biani biani awe. Azo ti mo akangbi kirikiri na ndö ti ahoto, zo ti bongbingo ala na ndo oko ayeke daa pepe.