Ésaïe 12:1 - Mbeti ti Nzapa - Tënë so amu fini

¹ Na lango ni so, fade mo yeke tene: “*KOTA GBIA, mbi mu na mo singila, ngbanga ti so mo sara lani ngonzo na tere ti mbi, me ngonzo ni ade awe, mo de be ti mbi awe.

Ésaïe 12:1 Referans Kwoze

Abia (Psaumes) 30:5

Ala azo ti KOTA GBIA, ala he bia ti gonda na lo; ala sepela lo, ala dabe ti ala so lo yeke nde si lo yeke nzoni kue.

Ésaïe 25:1

*KOTA GBIA, mo yeke Nzapa ti mbi, mbi yeke ya iri ti mo, mbi yeke sepela iri ti mo, ngbanga ti so mo sara aye ti dongo be. Mo leke tënë ti aye ni na be ti mo ngbene ye aninga, aluti ngangu si akpengba.

Ésaïe 54:8

Ngonzo asara mbi lani mingi na tere ti mo, na mbeni kete ngoi, mbi ke ti baa mo na le ti mbi. Me na lege ti ndoye so angba lakue lakue, mbi yeke baa mawa ti mo. Mbi KOTA GBIA, mbi so mbi zi mo, mbi laa mbi tene tënë so na mo.”

Zakarii 14:9

Fade KOTA GBIA ayeke duti gbia ti sese kue. Na lango ni so, lo yeke duti oko Nzapa so azo ayeke voro lo si ala yeke hinga gi iri ti lo oko.

Osée 6:1

Nilaa ala yeke tene: “Ala ga, e kiri na mbage ti *KOTA GBIA. Lo laa lo zia ka na tere ti e, lo laa lo yeke sara si ka ni amu; lo laa lo pika e si e wara ka, lo laa lo yeke kanga le ti ka ni.

Ésaïe 51:3

KOTA GBIA abaa mawa ti *Sion, lo baa mawa ti aye ti lo so kue abuba. Ndo ti lo so ayeke tongana benyama, lo yeke sara si aga tongana yaka ti Eden; ndo ti lo so ngu ayeke daa pepe, lo yeke sara si aga yaka ti KOTA GBIA. Na ya ti gbata ni, fade azo ayeke duti na ngia si ala yeke sara ngia, ala yeke he bia ti gondango Nzapa si ala yeke pika mozoko.

Ésaïe 35:10

Azo so KOTA GBIA ayeke zi ande ala, ala yeke mu lege ni so ti kiri. Na singo ti ala na *Sion, ala yeke dekongo na ngia. Ngia so ayeke hunzi laoko pepe, ayeke su na ndö ti le ti ala. Ngia so ahon ndoni ayeke si be ti ala singo, pasi na demango tere ayeke hon.

Ésaïe 14:3

Israel, na peko ti apasi so mo baa, na aye ti ngangu nde nde so asi na mo nga na ngangu kua ti ngbaa so lani a zia mo na gbe ni, mbeni lâ, *KOTA GBIA ayeke sara titene mo wu tere ti mo.

Ésaïe 49:13

Yayu, he bia na ngia! Sese, dodo na ngia! Ahoto, ala dekongo na ngia! Biani, KOTA GBIA asara si be ti azo ti lo akiri ade, lo baa mawa ti azo so ayeke baa pasi.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Rome 11:15

So Nzapa apusu azuife yamba so, ni laa asara si songo akiri na popo ti azo ti dunia na Nzapa. Tongana Nzapa akiri ande na azuife na tere ti lo, fade ye ni ayeke duti tongana nyen? Ye ni ayeke duti tongana ti azo so akui si akiri na fini!

Zakarii 14:20

Na lango ni so, ye so a kanga na go ti ambarata si ayeke toto so, fade a yeke su mbeti na ndö ni, atene: “Ye so a zia nde ndali ti KOTA GBIA”. Atawa ti ya ti kota da ti KOTA GBIA, fade ayeke ga tongana kopo na dawa ti gbalaka, kopo so a yeke zia mene daa ti fi na tere ti aye.

Osée 11:8

“Efraim, mbi lingbi ti sara na mo tongana nyen? Israel, mbi lingbi ti ka mo tongana nyen? Mbi lingbi ti sara na mo ye so mbi sara ando na agbata ti Adma na ti Seboim so tongana nyen? Be ti mbi ado si mawa ti mo agbu be ti mbi mingi.

Ésaïe 66:13

Biani, tongana ti so mama ayeke de be ti molenge ti lo, mbi nga, fade mbi yeke de be ti ala; a yeke de be ti ala na Jérusalem!

Ésaïe 26:1

Na lango ni so, na kodro ti Juda, azo ayeke he bia so: “Gbata ti e ayeke ngangu gbata. *KOTA GBIA asara gbagba ti ya ni na gbagba ti use ni na tere ni ti bata na e.

Ésaïe 11:16

Mbeni lege ayeke duti daa ndali ti tanga ti azo ti lo, azo ti lo so angba na fini na sese ti Asirii. Lege ni ayeke duti tongana lege so azo ti Israel amu ni ando na ngoi so ala londo na Ezipte ti sigigi.

Ésaïe 10:25

Biani, gi na ya ti kete ngoi, sioni ngonzo ti mbi so alondo na tere ti ala ayeke kai. Me ngonzo ti mbi ni ayeke kiri ti hunzi azo ni kue.”

Ésaïe 2:11

Fade kamene ayeke gbu le ti zo ti baba, a yeke zia zo ti pikango kate na kete ndo. Na lango ni so, gi KOTA GBIA oko laa azo ayeke ya iri ti lo.

Ésaïe 10:4

Mbeni ye ti ala ti sarango ni ayeke daa pepe, gi titene ala ba tere ti ala na popo ti azo ti kanga, wala ala ti na sese na popo ti akuâ. Ataa so kue, ngonzo ti *KOTA GBIA akai pepe, maboko ti lo angba gi na nduzu.

Mbeti ti Job 13:16

So laa ayeke soo mbi, ngbanga ti so zo ti sioni be alingbi ti luti na le ti Nzapa pepe.

Abia (Psaumes) 9:1

Bia ti David; bia so ayeke ndali ti makonzi-bia. A he ni na kundi.

Abia (Psaumes) 71:21

Fade mo yeke sara si azo akiri ane mbi mingi, mo yeke kiri ti de be ti mbi.

Ésaïe 54:7

Gi na ya ti kete ngoi, mbi zia mo lani; me mbi baa mawa ti mo mingi, mbi yeke kiri ti mu mo.

Ésaïe 54:9

“Mbi yeke sara ye tongana ti so mbi sara ando na ngoi ti Noe. Ando, mbi deba yanga ti mbi, mbi tene, fade ngu ayeke kiri ti suku ti mu ndö ti sese kue pepe. Legeoko nga, mbi deba yanga ti mbi, mbi tene, fade mbi yeke kiri ti sara ngonzo na tere ti mo pepe, mbi yeke kiri ti suku na mo pepe.

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ésaïe 64:5

E kue, e yeke tongana azo so aga *sioni awe, aye ti mbirimbiri so kue e sara ayeke tongana bongo so awali ayeke yu na ndembe so ala yeke baa ya ti ala. E kue, e woko tongana kugbe, sioni ti e ayeke hon na e kirikiri tongana ti so pupu ayeke hon na ye.

Ésaïe 65:18

Me ala duti na ngia, ala dodo na ngia lakue ndali ti ye so mbi yeke sara. Mbi yeke sara Jérusalem titene ngia asi singo na be ti lo si ngia asi singo na be ti azo ti gbata ni.

Jérémie 30:19

Na popo ti ala, fade a yeke ma go ti azo so ayeke he bia ti mungo singila si ala yeke dekongo na ngia. Ala *ahale ti Jacob, fade mbi yeke sara si ala kiri awu mingi, wungo ti ala ayeke kiri na peko pepe; mbi yeke sara si azo ane ala, zo ayeke kiri ti baa ala tongana abuba zo pepe.

Zakarii 8:11

Me fadeso, ye so mbi sara ando so, mbi yeke kiri ti sara ni pepe na tanga ti azo so angba na fini so; so tënë ti yanga ti KOTA GBIA so ayeke na ndö ti dunia kue laa.

Zakarii 8:19

Tënë so KOTA GBIA so ayeke na ndö ti dunia kue atene ayeke so: “Alango ti kengo kobe so ala azo ti Juda, ala yeke ke na ya ti osio nze ni, oku nze ni, mbarambara nze ni nga na nze baleoko ni ti ngu oko oko, fade alango ni so ayeke kiri ti ga alango ti matanga, alango ti ngia na ti kota ngia nga na ti nzoni matanga. “Me ayeke nzoni ala ye taa-tënë nga na siriri.”

Néhémie 8:10

Esdras akiri atene na azo ni: “Ala kiri na ndo ti ala. Ala gue, ate anzoni kobe, ala nyon anzerengo samba, ala mu ambeni kobe ni na azo so ayeke na ye pepe, ngbanga ti so a zia lango so nde ndali ti KOTA GBIA ti e. Ala sara vundu pepe, ngbanga ti so ngia so alondo na KOTA GBIA laa ayeke ngangu ti ala!”

Mbeti ti Job 11:16

Biani, pasi so mo baa, mo yeke dabe ti mo na ni pepe. Tongana ngu so asua ahon, be ti mo ayeke girisa na ni.

Abia (Psaumes) 85:4

Mo kai ngonzo ti mo awe, mo zia lege ti ngonzo ti mo ti wâ awe.

Abia (Psaumes) 86:17

Sara mbeni ye so afa nzoni be ti mo ndali ti mbi! Tongaso, awato ti mbi abaa si kamene agbu le ti ala. KOTA GBIA, mo laa mo yeke mu na mbi maboko si mo yeke sara titene be ti mbi ade.

Ésaïe 60:10

Jérusalem, fade awande ayeke kiri ti leke gbagba ti bira ti mo, agbia ti ala ayeke sara kua na mo. Lani ngonzo agbu mbi sioni si mbi pika mo, me fadeso, na lege ti nzoni be ti mbi, mbi yeke baa mawa ti mo.

Jérémie 31:13

Tongaso, fade amaseka-wali ayeke dodo na ngia, amaseka-koli na ambakoro ayeke sara legeoko tongaso. Mbi yeke sara si mawa ti ala aga ngia, mbi yeke de be ti ala. Na peko ti vundu ti ala, mbi yeke sara si ala duti na ngia.

Zakarii 1:16

Ndani laa, tënë so KOTA GBIA atene ayeke so: mbi yeke kiri na mbage ti Jérusalem ti baa mawa ti lo; fade a yeke kiri ti leke da ti mbi kâ, a yeke kiri ti leke gbata ni; so tënë ti yanga ti KOTA GBIA so ayeke na ndö ti dunia kue laa.”