Ésaïe 10:25 - Mbeti ti Nzapa - Tënë so amu fini

²⁵ Biani, gi na ya ti kete ngoi, sioni ngonzo ti mbi so alondo na tere ti ala ayeke kai. Me ngonzo ti mbi ni ayeke kiri ti hunzi azo ni kue.”

Ésaïe 10:25 Referans Kwoze

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.

Ahebro 10:37

Tongana ti so Mbeti ti Nzapa atene: “Ngoi angba gi kete, gi kete kete titene lo so alingbi ti ga so, lo yeke ga; lo yeke ninga pepe.”

2 Agbia 19:35

Gi na bi ni, *ange ti *KOTA GBIA asi na ya ti bâbâ ti azo ti Asirii si lo fâ aturugu 185 000. So azo alondo na kota ndaperere, ala baa gi akuâ kue laa ayeke lango na sese so!

Ésaïe 54:7

Gi na ya ti kete ngoi, mbi zia mo lani; me mbi baa mawa ti mo mingi, mbi yeke kiri ti mu mo.

Ésaïe 10:5

*KOTA GBIA atene: “Mawa na Asirii! Lo yeke tongana nduru keke ti ngonzo ti mbi; tongana lo gbu keke so na maboko ti lo, andaa sioni ngonzo ti mbi laa.

Abia (Psaumes) 37:10

Ngoi angba gi kete, zo ayeke kiri ti baa zo ti sioni pepe; mo ye ti baa ndo so lo yeke fade daa, zo oko ayeke daa mbeni pepe.

Ésaïe 13:6

Ala dekongo na vundu maa! *Lango ti KOTA GBIA aga nduru awe; lango ni ayeke tongana mbeni kota kpale so ayeke buba ndo kue; kpale ni alondo na lo so ngangu ti lo ahon angangu kue.

Ésaïe 26:20

Azo ti mbi, ala gue na da ti ala, ala kanga yanga ti da ni na li ti ala. Ala honde tere ti ala na ya ti kete ngoi ngbii ngonzo ti KOTA GBIA ahon si.

Aggée 2:6

Biani, tënë so KOTA GBIA so ayeke na ndö ti dunia kue atene ayeke so: Gi na ya ti kete ngoi, angba mingi pepe, fade mbi yeke yingi nduzu na sese, kota ngu-ingo na kuru sese.

Amato 22:8

Zo so alu sioni ye, lengo ni so lo yeke ko ayeke kpale; ngangu so lo yeke sara na sioni na azo, fade ayeke hunzi.