Ésaïe 1:8 - Mbeti ti Nzapa - Tënë so amu fini

⁸ Gbata ti *Sion angba gi lo oko tongana kete da na ya ti yaka ti *vinye, tongana kpangba ti yanga ti yaka ti kugbe ti kasa, tongana gbata so awato angoro ni kue.

Ésaïe 1:8 Referans Kwoze

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Jean 12:15

“Mbeto asara mo pepe, gbata ti *Sion! Baa, gbia ti mo ayeke ga, lo duti na ndö ti mbeni molenge ti lele.”

Zakarii 2:10

So tënë ti yanga ti *KOTA GBIA laa: “Ala londo, ala londo ahon! Ala so mbi kangbi ala na ndangoro osio ti sese kue so, ala londo hio na sese ti Banga, ala hon! So tënë ti yanga ti KOTA GBIA laa.

Ésaïe 62:11

Tënë so KOTA GBIA atene titene azo ti nda ti sese kue ama ayeke so: “Ala tene na gbata ti Sion, atene: Wasongo mo ayeke ga; azo so lo wara ala, lo yeke ga na ala, lo yeke ga na ye so lo wara na peko ti kua ti lo.”

Ésaïe 10:32

Gi na lango ni so, wato aluti na Nob. Lo yoro maboko ti so na ndö ti hoto ti *Sion, kete hoto ti Jérusalem.

Abia ti demango tere 2:6

Lo buba gbagba na kpangba ti yaka ti lo. Lo buba da so lo na azo ti lo ayeke tengbi tere daa so. Alango ti matanga na *alango ti wungo tere, KOTA GBIA asara si azo agirisa ni na Sion awe. Be ti KOTA GBIA ayeke gi wâ wâ; nilaa lo bi buba na tere ti agbia na awayango-sandaga kue.

Abia ti demango tere 2:1

Azo-oo, azo! *KOTA GBIA asara ngonzo si lo tokua vukongo ndo na ndö ti gbata ti *Sion. Ye so ayeke sara gonda ti azo ti Israel so, KOTA GBIA abi ni si alondo na yayu kâ ati na sese. Sion ayeke mbata ti gere ti KOTA GBIA; na lango so ngonzo ti lo alondo na tere ti Sion, be ti lo agirisa na mbata ti gere ti lo ni.

Ésaïe 37:22

Baa, tënë so KOTA GBIA atene na tere ti lo ayeke so: Pendere maseka-wali, gbata ti *Sion abaa mo tongana mbumbuse zo, lo yeke he mo na ngia. Pendere maseka-wali, gbata ti Jérusalem ayeke yingi li ti lo si ayeke he mo na peko ti mo.

Ésaïe 4:4

KOTA GBIA ayeke tokua yingo ti fango ngbanga nga na yingo so ayeke gbi ye tongana wâ ti zi sioni ti azo ti Sion, ti sukula Jérusalem ndali ti mene so atuku na ya ti gbata ni.

Abia (Psaumes) 9:14

KOTA GBIA, baa mawa ti mbi! Baa pasi so azo ti kengo mbi asara na mbi, mo so mo yeke zi mbi na yanga ti kuâ.

Mbeti ti Job 27:18

Da ti zo ti sioni akpengba pepe; awoko tongana kpangba ti sanziri.

Jérémie 4:17

Ala ngoro Jérusalem tongana ti so azo ti batango yaka ayeke ngoro yaka. Azo ni angoro Jérusalem, ngbanga ti so lo sara ngangu li na mbi; so tënë ti yanga ti KOTA GBIA laa.

Ésaïe 8:8

Ngu ni ayeke sua na ya ti kodro ti Juda, ayeke suku, ayeke mu ya ti kodro ni, ayeke suku ngbii agbu zo na go ti lo. Ngu ni ayeke suku mbage na mbage si ayeke mu ndö ti kodro ti mo kue, Emmanuel.”

Ésaïe 1:7

Sese ti ala aga gi ngonda, wâ agbi agbata ti ala kue. Awande ate akobe ti yaka ti ala kue gi na le ti ala; awande abuba kodro ni, ala kinda ni, ye oko angba pepe.

Ésaïe 1:9

Tongana KOTA GBIA so ayeke na ndö ti dunia kue abata fade ambeni zo oko oko na ya ti kodro ni pepe, ka e ga tongana Sodome, ka e kpa Gomore.

Ésaïe 49:21

Tongaso, fade mo yeke hunda tere ti mo, mo tene: ‘Amolenge so kue so, zo wa laa adu ala na mbi, zo wa? A gbanzi mbi lani na amolenge, mbi yeke wali ti dungo ni pepe, a gbu mbi lani, a gue na mbi na kodro wande, a zia gi mbi oko. Zo wa laa abata ala so, zo wa? Mbi ngba lani gi mbi oko, amolenge so, ala yeke lani na ndo wa?’ ”

Jérémie 6:2

Mo *Sion, mo yeke tongana pendere maseka-wali, mo *wali-ndomo, mbi sara si yanga ti mo akanga awe.

Ésaïe 29:3

Mbi yeke sara bâbâ ti ngoro mo kue; mbi yeke zia aturugu ti ngoro mo, mbi yeke sara gbagba na tere ti mo ti tiri bira na mo.

Ésaïe 30:17

Wato oko ayeke be le na azo saki oko na popo ti ala. Awato oku ayeke be le na ala si ala kue ayeke kpe. Na ndani, azo so ayeke ngba, ala yeke luti tongana keke ti bendere na ndö ti hoto, tongana bendere na ndö ti kete hoto.

Ésaïe 37:4

Gbia ti Asirii atokua makonzi ti aturugu ti lo ti zonga Nzapa so ayeke na fini. E hinga pepe, wala KOTA GBIA, Nzapa ti mo ama tënë ti zonga ni si lo pika lo ndali ti asioni tënë so lo tene so! Ti mo Ésaïe, sambela Nzapa ndali ti tanga ti azo so angba na fini so.’ ”