Ésaïe 1:5 - Mbeti ti Nzapa - Tënë so amu fini

⁵ So ala ngba ti sara ngangu li so, fade lo yeke kiri ti pika ala na ndo wa? Li ti ala kue gi ka, be ti ala kue gi kobela.

Ésaïe 1:5 Referans Kwoze

Ezekiel 24:13

Jérusalem, mo ga *sioni ndali ti sarango ye ti potopoto ti mo. Mbi sukula mo titene mo ga *nzoni, me mbi sara gbaa. Tongaso, kozo titene mo ga *nzoni, fade ngonzo ti mbi ti wâ ayeke londo na tere ti mo ngbii be ti mbi ade si.

Jérémie 5:3

KOTA GBIA, ye so anzere na mo ayeke titene zo asara lakue ye so ayeke na legeni; ni laa ape? Mo pika ala, me pika ni aso ala pepe. Mo ye ti nika ala biani biani, me ala ke ti ma ye so mo fa na ala. Li ti ala akpengba ahon têne, ala ke ti kiri na mbage ti mo.

Ésaïe 31:6

Ala azo ti Israel, ala ke lani KOTA GBIA mingi! Ala kiri fadeso na mbage ti lo ma!

Jérémie 5:31

awayanga-Nzapa ayeke tene peko ti atënë ti mvene; awayango-sandaga ayeke gi ti wara aye ndali ti ala wani si azo ti mbi ayeda na sarango aye tongaso. Na ndani, fade ala yeke sara nyen?”

Jérémie 9:3

Ayeke nzoni zo oko oko asara hange na mba ti lo; ala zia be ti ala na ndö ti a-ita ti ala pepe, ngbanga ti so azo kue ayeke azo ti handango a-ita ti ala; ataa mba ti mo so mo ye lo mingi, lo yeke du mvene na li ti mo.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Néhémie 9:34

Agbia ti e na amakonzi ti e, awayango-sandaga ti e nga na akotara ti e asara ye alingbi na ndia ti mo pepe; ala dingi mê ti ala ti ma atënë ti ndia ti mo pepe, wala atënë ti yanga ti mo so mo mu wango na ala daa.

Jérémie 5:5

Tongaso fade mbi yeke gue na mbage ti akota zo si mbi tene tënë na ala. Ala laa ahinga ye so KOTA GBIA aye; ala laa ahinga atënë ti ndia ti Nzapa ti ala.” Me ala kue ayeke gi legeoko: ala ke ti duti na gbe ti komandema ti KOTA GBIA, ala fâ ya ti ye so abongbi ala na Nzapa awe.

Ésaïe 33:24

Mbeni zo oko so alango na Jérusalem ayeke tene pepe: “Tere ti mbi aso.” A yeke zi siokpari na li ti azo ti gbata ni.

Ésaïe 9:13

Tongaso, gi na ya ti lango oko, KOTA GBIA azi na Israel li na damba, maboko ti mburu na pere ti sosongo.

Ésaïe 1:23

Amakonzi ti mo ayeke azo ti ngangu li, ala yeke sara songo na azo ti nzi. Ala kue aye tënë ti goro, ala yeke kpe na peko ti aye so azo ayeke mu na ala na hondengo ni; ala yeke fâ ngbanga ti nyindu na legeni pepe, tënë ti wali-mua ayeke gbu be ti ala pepe.

2 Mbai 28:22

Na ngoi so gbia Ahaz ayeke na ya ti kpale so, lo ngba ngbango ti sara sioni mingi so ake KOTA GBIA.

2 Agbia 1:13

Ti fani ota ni, Ahazia akiri atokua mbeni makonzi so ayeke na li ti aturugu baleoku na aturugu ti lo baleoku ti gbu Élie. Makonzi ni na aturugu ti lo ague na li ti hoto ni. So lo si na tere ti Élie, lo kuku na sese na gbe ti Élie, lo voro lo, lo tene: “Zo ti Nzapa, mbi gbu gere ti mo, bata fini ti mbi na ti aturugu baleoku so ayeke azo ti kua ti mo!

Jérémie 13:23

Zo ti Etiopii alingbi ti gbian poro ti tere ti lo? Ze alingbi ti zi anzoroko ti tere ti lo? Ala so sarango sioni aga ye ti tere ti ala so, ala lingbi ti sara nzoni ye?

Jérémie 17:9

“Be ti zo ayeke handa zo ahon tanga ti aye kue; zo alingbi ti kai kobela ni pepe. Zo wa laa alingbi ti hinga be ti zo?”

Jérémie 44:15

Akoli so kue ahinga atene, awali ti ala ayeke mu *sandaga na anzapa nde, ala na awali so abongbi gbani gbani na ndo so; so ti tene azo so kue aga ti duti na Ezipte nga na Patros atene na Jérémie:

Abia ti demango tere 5:17

Nilaa tere ti e kue ayeke gi na kobela si le ti e avuko na ngu ti le.

Ezekiel 34:4

Ataba so awoko, ala sara pepe titene ataba ni awara ngangu; ataba so ayeke na kobela, ala kai kobela na tere ti ala pepe; ataba so awara ka, ala kanga ka ni pepe; ataba so agirisa lege, ala kiri na ala na ndö ti lege pepe; ataba so agirisa, ala gi ala pepe. Me ala sara komandema na ndö ti ataba ni na ngangu, ala sara ngangu mingi na ala.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”