Ésaïe 1:28 - Mbeti ti Nzapa - Tënë so amu fini

²⁸ Me azo ti ngangu li na azo ti siokpari, fade a yeke kungbi ala; azo so azia *KOTA GBIA, gigi ti ala ayeke hunzi.

Ésaïe 1:28 Referans Kwoze

Abia (Psaumes) 1:6

KOTA GBIA ayeke bata azo ti mbirimbiri, me lege ti azo ti sioni ayeke gue na kuâ.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”

Ésaïe 30:13

Nilaa, sioni sarango ye so ayeke ga ande tongana yongoro dere ti da so du akoro na ya ni. Mbeni ye asuku daa si mo ye ti baa, dere ni akungbi, atuku na sese.

Mbeti ti Job 31:3

Azo ayeke tene: “Ye ti vundu ayeke ndali ti azo ti kirikiri; ye ti ngangu ayeke ndali ti azo ti sarango sioni.”

2 Pierre 3:7

Me gi na lege ti oko tënë ti yanga ti Nzapa laa, lo yeke bata yayu na sese so e yeke baa fadeso ti gbi ni na wâ. Lo yeke bata ni ti ku lango ti fango ngbanga na li ti azo ti sioni, lango so ala yeke kui biani biani.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.

Ésaïe 66:24

Na sigingo ti ala, fade ala lingbi ti baa kuâ ti azo so atomboka na tere ti mbi. Angusu so ayeke te ala ayeke kui pepe; wâ so ayeke gbi ala ayeke mingo pepe. Ala yeke ga ye so ayeke sioni mingi ndali ti azo kue.

Ésaïe 65:11

“Me ti ala, ala so ado mbi azia, ala so agirisa lege ti guengo na hoto ti mbi so ayeke nde si ayeke nzoni kue, ala so ayeke mu kobe na Gad, ala so ayeke bongbi samba si ayeke mu na *sandaga na Meni,

Ésaïe 50:11

Me ti ala so kue ayeke tingo wâ, ala so agbu ale ti kokora so wâ ayeke na yanga ni, ala gue na ya ti menga ti wâ ti ala ni nga na popo ti ale ti kokora so ala tingo wâ daa so. Ye so KOTA GBIA aleke ti ku na ala laa; ala yeke kui na ya ti kota pasi.

Amato 29:1

Zo so a gboto mê ti lo si lo ngba ti sara ngangu li, fade a yeke kinda lo gi hio tongaso, mbeni ye ti sara titene lo kiri lo ga nzoni ayeke daa pepe.

Abia (Psaumes) 125:5

Me ti azo so agirisa nzoni lege ti mu lege ti kirikiri, ayeke nzoni KOTA GBIA atumba ala, ala na azo ti sarango sioni. Ayeke nzoni siriri aduti na Israel!

Abia (Psaumes) 104:35

Ayeke nzoni azo ti siokpari ahon na ndö ti sese so biani biani, azo ti sioni akiri angba pepe! Biani, mbi ye ti mu singila na KOTA GBIA! Aleluya!

Abia (Psaumes) 92:9

Me mo KOTA GBIA, mo so mo yeke na nduzu kâ, mo yeke ngba kpu na kpu.

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Abia (Psaumes) 37:38

Me ti azo ti ngangu li, fade a yeke hunzi ala kue legeoko, a yeke bi ahale ti ala na gigi.

Abia (Psaumes) 9:5

ngbanga ti so mo fâ ngbanga ti mbi mbirimbiri, mo gbu koko ti mbi awe. Mo duti na ndö ti mbata ti mo ti gbia, mo so mo yeke wafango-ngbanga ti mbirimbiri.

Abia (Psaumes) 5:6

Azo ti baba alingbi ti luti na le ti mo pepe; be ti mo ake azo ti sarango sioni kue.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

1 Samuel 12:25

Me tongana ala sara sioni, fade a yeke nika ala, ala na gbia ti ala kue.”

Ésaïe 1:4

Ae! Ala azo ti mara ti sarango siokpari, ala azo ti fango zo, ala *ahale ti sioni, ala amolenge ti kirikiri! Ala zia *KOTA GBIA awe; ala ke Nzapa ti Israel, lo so lo yeke nde si lo yeke nzoni kue; ala zia peko ti ala na lo.

Ésaïe 24:20

Sese ayeke hon mbage na mbage tongana zo so samba ahon ndö ti lo, ayeke yingi tongana mbeni kete da. Siokpari ti azo ane na ndö ti lo si lo ti, lo lingbi ti londo pepe.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Ésaïe 58:2

Na lango oko oko, ala yeke gi mbi, ala ye ti hinga lege ti mbi. Ala kpa azo so ayeke sara ye alingbi na ndia, azo so ado ndia ti Nzapa ti ala azia pepe. Ala yeke hunda na mbi ti fâ ngbanga mbirimbiri, ala ye titene mbi duti nduru na ala.

Ésaïe 66:17

Azo ni ayeke azo so a zia tere ti ala nde si ala yeke *sukula sioni ti ala ti li na ya ti ambeni pendere ndo so ala yeke voro ayanda daa; ala yeke luti na peko ti mbeni zo so ayeke na popo ti ala, ala yeke te kasa ti nguru, na aye so ayeke sioni mingi nga na adeku. Azo so ayeke kui kue legeoko; so tënë ti yanga ti KOTA GBIA laa.

Jérémie 17:13

*KOTA GBIA, mo laa azo ti Israel azia be ti ala ti ku mo. Azo so kue ado mo azia, ayeke nzoni kamene agbu le ti ala. Azo so azia lege ti mo, ala yeke tongana azo so a su iri ti ala na ya ti fuku ti sese. Biani, ala do mo azia mo awe, KOTA GBIA, mo so mo yeke li ti ngu so ayeke mu fini na zo.

Jérémie 44:12

Mbi yeke mu tanga ti azo ti Juda so angba si ala ye ti gue na Ezipte ti honde tere ti ala kâ, fade ala yeke kui kue. Na ya ti kodro so laa ala yeke kui kuâ ti bira wala ti kota nzara, ti londo na akete zo asi na akota zo. Biani, fade ala yeke kui na lege ti bira na kota nzara; ala yeke ga tapande ndali ti azo so ayeke deba amba ti ala; ala yeke ga ye ti dongo be, ye ti dengo ba na ye ti ziango kamene na le ti zo.

Osée 14:9

Efraim, nyen laa ayeke kiri ti bongbi mbi na anzapa nde nyen? Mbi laa mbi yeke ma sambela ti mo si mbi yeke baa ndo na ndö ti mo. Mbi, mbi yeke tongana keke ti sipre so akugbe ni angba lakue fini ni. Mbi laa mbi yeke sara titene ale ti kobe ti mo adu.”

2 Mbai 21:10

Ti londo na ngoi ni so ngbii asi fadeso, azo ti Edom ake ti ngba na gbe ti komandema ti Juda. Gi na oko ngoi ni so, azo ti gbata ti Libna ake ti ngba na gbe ti komandema ti Yoram, ngbanga ti so Yoram azia KOTA GBIA, Nzapa ti akotara ti lo awe.

2 Mbai 28:6

Gi na ya ti lango oko, Peka afâ aturugu ti Juda 120 000, ala kue gi angangu turugu; ye ni asi, ngbanga ti so ala do KOTA GBIA, Nzapa ti akotara ti ala azia.

2 Mbai 28:23

Lo mu *asandaga na anzapa ti Damas so lani akinda lo so. Lo tene na be ti lo, lo tene: “So anzapa ti agbia ti Sirii ayeke mu maboko na ala so, ayeke nzoni mbi mu *sandaga na anzapa ni so si fade ala yeke mu na mbi maboko.” Me anzapa so asara si Ahaz na azo ti Israel ati.

Mbeti ti Job 34:26

Lo yeke pika ala na le ti azo kue tongana ti azo ti sarango sioni.

Mbeti ti Job 34:27

Lo sara ni, ngbanga ti so azo ni azia ti tambula na peko ti lo, ala ke ti hinga aye so kue lo fa na ala.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.