Ésaïe 1:20 - Mbeti ti Nzapa - Tënë so amu fini

²⁰ Me tongana ala ke si ala sara ngangu li, ala yeke kui ande kuâ ti yongoro zeme.” Tënë so asigigi na yanga ti KOTA GBIA laa.

Ésaïe 1:20 Referans Kwoze

Ésaïe 65:12

mbi diko ala titene ala kui kuâ ti yongoro zeme. Ala kue, fade ala yeke kuku na sese si a yeke fâ go ti ala. Biani, mbi iri ndo, ala yeda pepe; mbi tene tënë, ala ma pepe, ala sara ye so ayeke sioni na le ti mbi; ala soro ye so anzere na be ti mbi pepe.

Ésaïe 58:14

tongaso, fade mo yeke wara ngia ti mo na lege ti mbi KOTA GBIA; mbi yeke sara titene mo tambula na ndö ti ayongoro hoto ti kodro ni. Mbi yeke sara titene mo baa nzoni na lege ti sese so a mu ando na kotara ti mo Jacob si aga ye ti lo so.” Tënë so asigigi na yanga ti KOTA GBIA laa.

Ésaïe 40:5

Tongaso, fade gonda ti KOTA GBIA ayeke sigigi polele si azo ti sese kue ayeke baa ni. Tënë so asigigi na yanga ti KOTA GBA laa.”

Ésaïe 3:25

Jérusalem, fade akoli ti mo ayeke kui kuâ ti yongoro zeme, akpengba turugu ti mo ayeke kui na ya ti bira.

Ésaïe 3:11

Me ti zo ti sioni, so mawa na lo! Fade ye ti lo kue ayeke ga sioni, a yeke sara na lo alingbi na asarango ye ti lo.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

Mishe 4:4

Ala oko oko ayeke duti na siriri na gbe ti akeke ti *vinye ti ala nga na gbe ti akeke ti fige ti ala. Zo oko ti zia mbeto na be ti ala ayeke daa pepe.” Tënë so asigigi na yanga ti KOTA GBIA so ayeke na ndö ti dunia kue laa!

1 Samuel 12:25

Me tongana ala sara sioni, fade a yeke nika ala, ala na gbia ti ala kue.”

Awayango-sandaga 26:33

Ti ala, mbi yeke tokua bira na tere ti ala si mbi yeke sara titene ala kangbi na popo ti amara nde. Kodro ti ala ayeke ga ngonda si agbata ti ala ayeke buba kue.

1 Samuel 15:29

Kota Gbia, lo so lo yeke gonda ti Israel ayeke tene mvene pepe. Lo yeke zo pepe titene lo kiri na peko na ndö ti tënë ti lo.”

1 Samuel 12:15

Me tongana ala ma yanga ti KOTA GBIA pepe, tongana ala ke andia ti lo, fade maboko ti KOTA GBIA ayeke sara ngangu na ala tongana ti so lo sara ando na akotara ti ala so.

Ésaïe 8:6

“Azo ti Juda ake ngu ti Siloe so ayeke sua yeke-yeke; be ti ala anzere ndali ti gbia Resen na gbia Peka, molenge ti Remalia.

Ésaïe 34:16

Tongana ala gi na ya ti mbeti ti KOTA GBIA, fade ala yeke diko tënë so: Na popo ti anyama so kue, mbeni oko angba na peko pepe, mbeni oko so ake ti ga ayeke daa pepe. KOTA GBIA laa amu yanga na ala, yingo ti lo laa abongbi ala.

Jérémie 4:17

Ala ngoro Jérusalem tongana ti so azo ti batango yaka ayeke ngoro yaka. Azo ni angoro Jérusalem, ngbanga ti so lo sara ngangu li na mbi; so tënë ti yanga ti KOTA GBIA laa.

Jérémie 17:27

Me tongana ala ma mbi pepe, tongana ala ke ti bata lango ti wungo tere nde ndali ti mbi, tongana ala yo akungba na lango ni so si ali na ni na yanga ti gbagba ti Jérusalem, fade mbi yeke bi wâ na tere ti ayanga ti gbagba ni. Wâ ni ayeke gbi apendere da ti gbata ni si ayeke mingo pepe.’ ”

Jérémie 21:8

Ti azo so angba na ya ti gbata ni, fade mo yeke tene na ala: “Tënë so KOTA GBIA atene ayeke so: Mbi zia na dawa ti ala lege ti dutingo na fini nga na lege ti kuâ.

Jérémie 26:4

Fade mo yeke tene na ala: Tënë so KOTA GBIA atene ayeke so: ‘Ala ma mbi, ala tambula na lege ti andia so mbi mu na ala.

Jérémie 46:14

“Ala azo, ala fa tënë ni na Ezipte; ala sara si azo ama tënë ni na Migdol, na Manfis nga na Tapanes. Ala tene na ala, atene: ‘Ala londo! Ala leke tere ti ala!’ Biani, azo so ayeke nduru na tere ti ala, bira ahunzi ala awe!

Sigingo 9:2

Tongana mo ngba ti ke, tongana mo ngba ti gbanzi ala,

Awayango-sandaga 26:25

Ndali ti mbuki ti mbi so ala buba ni, fade mbi yeke tokua bira na tere ti ala, ala yeke honde tere ti ala na ya ti agbata ti ala, me mbi yeke tokua sioni kobela ti bubango kodro na tere ti ala si mbi yeke zia ala na maboko ti awato ti ala.

Mbeti ti Job 36:12

Me tongana ala ma ni pepe, ala yeke mu lege so ague na ndo ti akuâ. Ala yeke kui, me ala hinga li ti ala daa pepe.