Efeze 6:13 - Mbeti ti Nzapa - Tënë so amu fini

¹³ Ndani laa, ala mu aye ti bira ti Nzapa kue. Tongaso, na ya ti sioni ngoi, ala lingbi ti luti nganganga na le ti wato, ala kiri na peko pepe, me ala tiri bira ni ngbii asi na ndani.

Efeze 6:13 Referans Kwoze

2 Korente 10:4

Aye ti bira ti e alondo na zo ti sese so pepe, me ngangu ti aye ti bira ti e alondo na Nzapa si ayeke buba angangu gbagba ti bira. Atënë ti gbungo-li ti azo so ayeke na legeni pepe, e yeke buba ni.

Nzoni Tënë so Luc asu na mbeti 21:36

Tongaso ala lango pepe! Ala ngba ti sambela lakue si ala wara ngangu ti sigigi na ya ti aye so ayeke si ande so si ala wara lege ti luti na nduzu na dawa ti *Molenge ti Zo.”

Efeze 5:16

Ala zia ngoi ti ala ahon senge senge pepe, ngbanga ti so alango so e yeke daa so ayeke sioni.

Nzoni Tënë so Luc asu na mbeti 8:13

Ambeni zo ayeke tongana ndö ti têne so ale ti kobe atuku daa; tongana ala ma tënë ni, ala yamba ni na ngia, me tënë ni ali na ya ti be ti ala pepe; ala ma na be gi na ya ti kete ngoi, tongana ye ti tarango be asi na ala, ala do lege ni azia.

Aye so Nzapa afa 3:10

Mo bata tënë ti mbi, mo zia lege ni oko pepe. Ndani laa mbi nga, mbi yeke bata mo na ngoi ti aye ti tarango be so ayeke si ande na azo ti sese kue.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

Malashii 3:2

Zo wa laa alingbi ande ti kanga be ti lo na lango ti gango ti lo, zo wa? Zo wa laa alingbi ti ngba na nduzu na ndembe ti singo ti lo, zo wa? Biani, lo yeke tongana wâ ti matawa wala tongana mokpakpa ti zo ti sukulango bongo.

Zo ti bongbingo azo 12:1

Na ngoi so mo de maseka, ayeke nzoni mo dabe ti mo na lo so asara mo. Dabe ti mo na lo kozoni si alango ti pasi asi, so ti tene ngoi so fade mo yeke tene: “Dunia ni anzere na mbi oko pepe”.

Efeze 5:6

Ala zia mbeni zo ahanda ala na asenge senge tënë pepe. Asioni ye tongaso asara si ngonzo ti Nzapa ayeke ga na ndö ti azo so ake yanga ti lo.

Aye so Nzapa afa 6:17

Biani, kota lango ti ngonzo ti ala asi awe; zo wa laa alingbi ti ngba na fini, zo wa?”

Amos 6:3

Ala yeke gi lege ti pusu lango ti mawa ni yongoro, andaa ala yeke sara si sarango ngangu na zo aga na ya ti kodro.

Rome 13:12

Ndo avuko aninga awe, ndo aga nduru ti han. Tongaso, e zia lege ti sarango aye ti vukongo ndo, e yu aye ti bira ti kota lâ.

Jacques 4:7

Tongaso, ala ma yanga ti Nzapa, me ala do sese na Zabolo si fade lo yeke kpe yongoro na tere ti ala!

1 Pierre 4:1

Christ abaa pasi na ya ti tere ti lo ti zo. Tongaso, ala nga, ala hinga biani na be ti ala atene, zo so abaa pasi na ya ti tere ti lo ti zo, lo kangbi na siokpari awe. Alingbi tënë so aduti na be ti ala tongana mbeni ye ti bira.