Efeze 5:12 - Mbeti ti Nzapa - Tënë so amu fini

¹² Biani, kamene ayeke gbu zo ti tene tënë ti aye so azo ni ayeke sara na hondengo ni so.

Efeze 5:12 Referans Kwoze

Efeze 5:3

Ala yeke azo so ayeke nde si ayeke nzoni kue. Tongaso, sarango ye ti ndumba, sarango aye ti kamene nde nde wala kota nzara ti warango ye, akpa titene a ma tënë ti aye tongaso na popo ti ala pepe.

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”

Zo ti bongbingo azo 12:14

Biani, aye so kue zo ayeke sara, ataa na hondengo ni, nzoni ni wala sioni ni, fade Nzapa ayeke iri zo na ngbanga.

2 Samuel 12:12

Biani, mo sara ti mo ye ni na hondengo ni. Ti mbi, mbi yeke sara ye ni na kota lâ, na le ti azo ti Israel kue.’ ”

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.

1 Pierre 4:3

Ando, ala mu ngoi mingi ti sarango na aye tongana ti azo so ahinga Nzapa pepe. Ala yeke sara aye ti ndumba, ala yeke sara nzara ti aye ti amba ti ala, ala yeke angbaa ti samba, ala yeke sara matanga ti te, ti nyon butuma, ala yeke voro anzapa nde, ye so akpa titene zo asara ni pepe.

Amato 9:17

“Ngu so a nzi ni nzingo ayeke pendere mingi; kobe so azo ate na hondengo ni anzere mingi.”

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Efeze 5:13

Me tongana a sigigi na nda ti aye ni kue, fade nda ni kue ayeke sigigi polele,