Efeze 4:6 - Mbeti ti Nzapa - Tënë so amu fini

⁶ Nzapa ayeke gi oko, lo yeke Babâ ti azo kue, lo yeke gbia na ndö ti azo kue, lo yeke sara kua na lege ti azo kue, lo yeke duti na ya ti azo kue.

Efeze 4:6 Referans Kwoze

Rome 11:36

Biani, ye kue alondo na Nzapa, ye kue ayeke duti na lege ti lo, ye kue ayeke ndali ti lo. Gonda ayeke ti lo kpu na kpu! Amen.

1 Korente 8:6

Ti e, Nzapa ayeke gi oko, lo yeke Babâ so ye kue alondo na lo si e yeke na fini ndali ti lo. E yeke nga gi na *Kota Gbia oko, Jésus Christ so na lege ti lo, ye kue abaa gigi si e yeke na fini na lege ti lo.

Malashii 2:10

E kue, e yeke gi na babâ oko pepe? Gi Nzapa oko laa asara e kue pepe? Ngbanga ti nyen si e yeke ka amba ti e na popo ti e? Ngbanga ti nyen si e yeke buba lege ti *mbuki so Nzapa aleke ni na akotara ti e?

Jean 20:17

Jésus atene na lo: “Zia ti gbu mbi, ngbanga ti so mbi de ti gue na Babâ pepe. Me mo gue, mo baa a-ita ti mbi, mo tene na ala, mo tene: ‘Mbi yeke gue na Babâ ti mbi so ayeke nga Babâ ti ala; lo yeke Nzapa ti mbi na Nzapa ti ala nga.’ ”

1 Jean 3:24

Zo so asara ye alingbi na andia ti Nzapa, lo ga oko na Nzapa si Nzapa aga oko na lo. Ye so afa atene, Nzapa aga oko na e ayeke so: lo mu na e Yingo-Vuru.

Matthieu 6:9

Lege so alingbi ala sambela na ni ayeke tongaso: ‘Babâ ti e so mo yeke na yayu, ayeke nzoni azo ane iri ti mo so ayeke nde si ayeke nzoni kue;

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

1 Korente 12:6

Akua ayeke nde nde, me gi oko Nzapa so laa ayeke mu ngangu na azo kue ti sara akua ni kue.

Wungo ti azo 16:22

Moïse na Aaron ati akpo li ti ala na sese si atene: “O Nzapa, mo so mo mu fini na azo na anyama kue, fade mo yeke sara ngonzo na tere ti bongbi ti azo kue ndali ti siokpari ti zo oko?”

Tongo nda ti aye 14:19

Lo sara tufa na ndö ti Abram, lo tene: “Ayeke nzoni Nzapa so ayeke na yayu kâ na ndö ti aye kue si lo sara yayu na sese, asara tufa na ndö ti Abram.

Efeze 6:23

Ayeke nzoni Nzapa Babâ, na *Kota Gbia Jésus Christ amu na a-ita siriri, ndoye na mabe!

Efeze 3:17

Mbi hunda titene Christ aduti na be ti ala na lege ti mabe! Ayeke nzoni sarango ye ti ala kue aluti na ndö ti ndoye tongana ti so gere ti keke ali sese wala tongana ti so da aluti ngangu na ndö ti gere ni.

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Jean 17:26

Mbi sara si ala hinga mo, mbi ngba ti sara titene ala hinga mo, tongaso si yengo so mo ye na mbi angba na popo ti ala si mbi na ala, e yeke oko.”

Jean 14:23

Jésus akiri tënë na lo, atene: “Zo so aye mbi, fade lo yeke sara ye so mbi tene na lo. Babâ ti mbi ayeke ye lo si mbi na Babâ, e yeke ga ti duti na lo.

Matthieu 6:13

Sara si e ti na ya ti ye ti tarango be pepe, me mo zi e na maboko ti Sioni wato. [Mo yeke Gbia, mo yeke na ngangu si gonda ayeke ti mo kpu na kpu! Amen.’]

Ésaïe 63:16

Biani, mo laa mo yeke babâ ti e. Be ti Abraham, kotara ti e agirisa na e awe; Jacob akiri ahinga e pepe; me mo KOTA GBIA, mo yeke Babâ ti e; mo so a yeke di iri ti mo “Wazingo e”, ngbene ye kpu na kpu.

Abia (Psaumes) 95:3

ngbanga ti so KOTA GBIA ayeke kota Nzapa, lo yeke kota Gbia so ayeke na ndö ti anzapa kue.

Efeze 1:21

Kâ, Christ ayeke na ndö ti ayingo so ayeke na komandema, ala so ayeke na ngangu nga na ala so ayeke amakonzi. Lo yeke na ndö ti aye so kue e yeke ma iri ni na dunia ti laso nga na dunia so ayeke ga.

Ndia ti fani use ni 6:4

“Ala azo ti Israel, ala ma! KOTA GBIA Nzapa ti e ayeke oko KOTA GBIA.