Efeze 1:21 - Mbeti ti Nzapa - Tënë so amu fini

²¹ Kâ, Christ ayeke na ndö ti ayingo so ayeke na komandema, ala so ayeke na ngangu nga na ala so ayeke amakonzi. Lo yeke na ndö ti aye so kue e yeke ma iri ni na dunia ti laso nga na dunia so ayeke ga.

Efeze 1:21 Referans Kwoze

Kolose 2:10

Na lege ti Christ so ayeke na li ti ayingo so kue ayeke na komandema, ala wara fini so ye oko atia na ya ni pepe.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.

Ahebro 1:4

Molenge ti Nzapa aga kota ahon *a-ange kue. Legeoko, Nzapa amu na lo iri so ayeke nde na ti a-ange.

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Kolose 2:15

Nzapa azi ngangu ti ayingo so ayeke na komandema; lo mu ala, lo fa ala polele na le ti azo, lo gboto ala tongana azo ti kanga na ya ti molongo ti azo so atambula na peko ti Molenge ti lo so aso benda awe.

Daniel 7:27

Kodro, komandema na dutingo na kota ndo na ya ti akodro nde nde so ayeke na ndö ti sese, fade a mu ni na azo so Nzapa asoro ala; Nzapa so ayeke na yayu kâ na ndö ti aye kue so. Komandema ti azo ti Nzapa ayeke ngba lakue lakue; fade angangu kue ti dunia ayeke ma yanga ti ala si ayeke sara kua na ala.’

Efeze 3:10

Me fadeso, lo fa ye ni na lege ti *Eglize titene ayingo so ayeke na nduzu si ayeke na komandema ahinga atënë ti ndara nde nde kue ti Nzapa.

Efeze 6:12

Biani, e yeke tiri bira ni na azo pepe, me na ayingo so ayeke na komandema, ala so ayeke na ngangu na ndö ti dunia so ayeke na ya ti vukongo ndo, so ti tene asioni yingo so ayeke na le ti nduzu.

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Matthieu 12:32

Tongana zo atene sioni tënë na tere ti *Molenge ti Zo, fade Nzapa ayeke zi tënë na li ti zo ni; me tongana zo atene sioni tënë na tere ti Yingo-Vuru, fade Nzapa ayeke zi tënë na li ti lo pepe, ataa na ngoi ti fadeso, ataa na ngoi so ayeke ga.”

Ahebro 2:5

Biani, dunia so ayeke ga ande si e yeke tene tënë ni so, *a-ange laa Nzapa azia ni na gbe ti ala pepe.

Efeze 2:2

Ala yeke sara ye ando tongana ti azo ti dunia so; ala yeke ma gi yanga ti makonzi ti asioni yingo so ayeke na popo ti nduzu na sese, yingo so laa ayeke sara kua na be ti azo so ake ti ma yanga ti Nzapa.