Daniel 9:26 - Mbeti ti Nzapa - Tënë so amu fini

²⁶ Na peko ti ngoi baleomene na use so, fade a yeke fâ zo so a tuku mafuta na li ti lo so; zo oko ayeke mu maboko na lo pepe. Na pekoni mbeni makonzi ayeke londo, lo na aturugu ti lo ayeke ga ti buba gbata ni nga na ndo so a zia ni nde ndali ti Nzapa. Me na ndani, lango ti makonzi ni ayeke hunzi na lege ti ngonzo ti Nzapa so ayeke tuku na ndö ti lo. Me lo yeke sara bira ngbii asi na lango ti kuâ ti lo si lo yeke buba ndo kue alingbi na ye so a diko ndali ti lo.

Daniel 9:26 Referans Kwoze

Nahum 1:8

na ndembe so ye ti ngangu ahon ndö ti ala tongana ngu so ayeke sua ngangu. Me lo yeke buba kodro ti awato ti lo si lo yeke tumba ala na ndo so avuko pitipiti.

Ésaïe 53:8

Azo agbu lo, ala fâ ngbanga na li ti lo si ala fâ lo. Me na popo ti azo ti ngoi ti lo, zo wa laa abaa mawa ti lo, zo wa? Biani, a zi lo na ndö ti sese ti azo so angba na fini; a pika lo ndali ti sioni ti azo ti mbi.

Marc 13:2

Jésus atene na lo: “Mo baa kota da so? Fade mbeni têne oko ayeke ngba na ndö ti mba ti lo pepe; ye so kue ayeke tuku na sese.”

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

Nzoni Tënë so Luc asu na mbeti 24:26

Alingbi fade titene *Mesii abaa pasi kozoni si lo li na ya ti gonda ti lo pepe?”

Marc 9:12

Lo kiri tënë na ala: “Taa-tënë, alingbi Élie aga kozoni ti leke ye kue na legeni. Me ngbanga ti nyen laa Mbeti ti Nzapa atene nga atene: ‘Fade Molenge ti Zo ayeke baa pasi si azo ayeke baa lo tongana senge zo so?’

Matthieu 24:2

Me Jésus atene na ala: “Ala baa ye so kue so? Mbi tene na ala taa-tënë: fade têne oko ayeke ngba ndo so pepe na ndö ti mba ti lo; ye so kue ayeke tuku na sese.”

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Daniel 9:27

Na ya ti tanga ti ngoi ti ngu mbarambara so, makonzi ni ayeke gbu gba ti azo na ngangu titene ala sara ye so ala ye pepe. Na peko ti ngu ota na ndambo, lo yeke sara si asandaga ti nyama na asandaga ti ale ti kobe so azo ayeke mu ka na Nzapa akai. Zo ti bubango ndo so ayeke sara ande aye ti sioni mingi gi na loro, lo yeke sara ni ngbii tënë ti bubango lo so a diko ndali ti lo ati na ndö ti lo.’ ”

Ésaïe 8:7

Ndali ti ye so ala sara so, fade KOTA GBIA ayeke sara titene *bale ti Efrate asuku, aga na tere ti ala. Bale ni ayeke gbia ti Asirii na ngangu ti lo kue. Ngu ni ayeke londo na ndo so lo yeke daa, lo yeke suku ti hon yanga ti sese ti mu ndo kue.

1 Pierre 2:21

Ye so Nzapa airi ala ndali ni laa, ngbanga ti so Christ nga abaa ando pasi ndali ti ala; lo sara tongaso ti fa lege na ala si ala mu tapande ti lo.

Jean 14:30

Ti fadeso, mbi yeke kiri ti tene tënë na ala mingi pepe, ndali ti so gbia ti dunia so ayeke ga. Lo yeke na ngangu na ndö ti mbi pepe,

Nzoni Tënë so Luc asu na mbeti 24:46

Lo tene na ala: “A su na ya ti Mbeti ti Nzapa, atene: Fade *Mesii ayeke baa pasi si na lango ota ni, lo yeke zingo na kuâ.

Nzoni Tënë so Luc asu na mbeti 21:24

Fade a yeke fâ azo ni na yongoro zeme, a yeke gbu ala ti gue na ala na ya ti akodro kue. Amara kue ayeke buba gbata ti Jérusalem kue ngbii ngoi ti ala ahunzi si.”

Marc 13:7

Ala azo ti mbi, tongana ala yeke ma tënë ti bira so aga nduru wala tënë ti bira so angba yongoro, ala sara mbeto pepe! Alingbi aye so asi, me so laa ayeke hunzingo ti aye kue pepe.

Matthieu 22:7

Ngonzo agbu gbia ni si lo tokua aturugu ti lo, ala gue, afâ azo ti fango zo so si ala gbi gbata ti ala kue.

Matthieu 22:2

“Tënë ti *Kodro-gbia ti yayu ayeke tongana tënë ti mbeni gbia so aleke matanga ndali ti mungo wali so molenge ti lo aye ti mu.

Amos 9:5

Kota Gbia NZAPA so ayeke na ndö ti dunia kue, tongana lo ndu sese na maboko ti lo, sese ni ayeke yingi si azo ti kodro ni kue ayeke duti na vundu. Sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Amos 8:8

Ndani laa, fade sese ayeke yingi si azo ti kodro ni kue ayeke duti na vundu. Fade sese ni kue ayeke londo na nduzu, na pekoni, ayeke kiri na gbeni tongana kota ngu ti Ezipte so asuku si akiri na gbeni.

Osée 1:9

KOTA GBIA atene na Osée: “Mo di iri ti molenge ni Lo-Ami, ngbanga ti so ala, azo ti Israel, ala yeke mara ti mbi pepe si mbi, mbi yeke na ndo so ndali ti ala pepe.”

Jérémie 46:7

Zo wa laa asuku tongana ngu ti Nil, tongana bale so ngu ni asuku ahon ndoni so?

Abia (Psaumes) 22:15

Ngangu ti mbi ahon tongana ngu so ayeke sua; abio ti mbi kue awoko wokongo. Be ti mbi ayeke tongana puru ti wotoro, aga tongana ngu na ya ti mbi.

Nzoni Tënë so Luc asu na mbeti 21:6

Jésus atene: “Ye so ala yeke baa so, ambeni lango ayeke ga so fade têne oko ayeke ngba na ndö ti mba ti lo pepe; ye so kue ayeke tuku na sese.”

Matthieu 23:38

Fade ya ti da ti ala ayeke ngba senge senge.

Daniel 11:17

Na pekoni, lo yeke leke na be ti lo ti ga na ngangu so kue lo wara ndali ti azo ti kodro ti lo; lo yeke sara songo na gbia ti Mbongo. Nilaa lo yeke mu na gbia ti Mbongo ni molenge ti lo ti wali ti ga wali ti lo, tongaso si lo wara lege ti buba kodro ni. Me ye so lo leke na be ti lo so ayeke si pepe.

Jérémie 51:42

Kota ngu-ingo asuku amu Babilone awe; *amapo ti kota ngu-ingo ni atoto ngangu si akanga ndö ti Babilone kue.

Daniel 11:22

Aturugu gbani gbani so amu ndo tongana ngu so asuku alingbi ti kinda lo pepe; lo yeke nika ala kue. Lo yeke fâ nga makonzi ti azo ti *mbuki.

2 Samuel 21:5

Azo ti Gabaon atene na gbia: “Saul aye lani ti fâ e kue ti hunzi e; lo ye ti mingo mara ti e na sese ti Israel kue.

Ésaïe 28:2

Baa mbeni zo ti ngangu, zo so mbeto asara lo pepe ayeke ga; *KOTA GBIA laa atokua lo. Zo ni akpa kota pupu ti ngu-Nzapa so asara si *apembe ti bekpa atuku, lo kpa ngu-Nzapa so ayeke buba ndo, kota ngu-Nzapa so apika si amu ndo kue. Zo ni ayeke sara ye gi na ngangu ngangu si lo yeke kinda aye kue na sese.

Ésaïe 28:22

Fadeso, ala zia lege ti hengo ndo, tongaso pepe, kamba so akanga na ala, ayeke kiri ti kanga ala ngangu. Biani, Kota Gbia NZAPA so ayeke na ndö ti dunia kue atene na mbi atene, lo leke na be ti lo ti buba kodro ni biani biani.

Daniel 11:36

‘Fade gbia ni ayeke sara gi ye so be ti lo aye; lo yeke gonda tere ti lo mingi si lo yeke baa tere ti lo kota ahon anzapa. Lo yeke tene atënë so akpa titene zo atene pepe na tere ti Nzapa so ahon anzapa kue. Aye so kue gbia ni ayeke sara ayeke ga nzoni na lo ngbii asi na ngoi so ngonzo ti Nzapa ayeke si na ndani. Tongaso, fade Nzapa ayeke sara ye so lo leke na be ti lo ti sara.