Daniel 8:15 - Mbeti ti Nzapa - Tënë so amu fini

¹⁵ “So mbi Daniel, mbi ngba ti baa ye so na ya ti mbeni ye tongana bango-li si mbi ye ti hinga nda ni, mbeni zo so akpa koli aga aluti na le ti mbi.

Daniel 8:15 Referans Kwoze

Daniel 10:16

Me mbeni ye so akpa zo andu poro ti yanga ti mbi; yanga ti mbi azi si mbi to nda ti tene tënë. Mbi tene na zo so aluti na dawa ti mbi so, mbi tene: ‘Babâ, ye so mbi baa tongana bango-li so asara si be ti mbi ayeke na siriri pepe; mbi woko kue awe.

Aye so Nzapa afa 1:13

Na popo ti agere ti lamba ni, mbi baa lo so akpa zo. Lo yu mbeni yongoro bongo, lo kanga na kate ti lo kamba ti ndö ti bongo so a sara na lôro.

Daniel 10:18

Biaku, ye so akpa zo so akiri andu mbi si mbi kiri mbi wara ngangu.

Aye so Nzapa afa 13:18

So ngoi ti dutingo na ndara laa. Zo so ahinga ndo alingbi ti hinga nimoro ti nyama ni, ngbanga ti so ayeke nimoro ti iri ti zo. Nimoro ni ayeke ngbangbo omene na baleomene na omene.

Marc 13:14

“Fade ala yeke baa ye so iri ni ‘Sioni-kpale-ti-bubango-ndo-kue’ so ayeke duti na ndo so sioni kpale ni alingbi fade ti duti daa pepe. (Mo so mo yeke diko mbeti so, mo gi nda ti ye so nzoni!) Tongaso, azo so ayeke na sese ti Judée, alingbi ala kpe ague na li ti ahoto;

Marc 4:12

titene: ‘ala yeke baa ndo, me ala yeke baa ye pepe; ala yeke ma ndo, me ala yeke ma ya ti atënë ni pepe, ngbanga ti ala yeke zia ngbene lege ti sarango ye ti ala si Nzapa azi tënë na li ti ala.’ ”

Matthieu 24:30

Tongaso, mbeni ye ayeke sigigi na ya ti mbinda na le ti nduzu si ayeke fa na azo tënë ti gango ti *Molenge ti Zo. Amara ti dunia kue ayeke zia maboko na ndö ti go ti ala si ala yeke dema tere, ala yeke baa Molenge ti Zo so ayeke ga na ya ti ambinda na ngangu ti lo kue, na gonda ti lo kue.

Matthieu 24:15

“Ndani laa, fade ala yeke baa ye so iri ni ‘Sioni-kpale-ti-bubango-ndo-kue’ so Daniel, wayanga-Nzapa, atene tënë ni ando so. Sioni kpale ni ayeke duti na ndo so ayeke nde si ayeke nzoni kue. – Mo so mo yeke diko mbeti so, mo gi nda ti ye so nzoni! –

Matthieu 13:36

Tongaso Jésus azia gba ti azo ni si lo kiri na da. Adisiple ti lo ague nduru na tere ti lo si ala tene na lo: “Fa na e nda ti toli ti asioni pere so ayeke na yaka so.”

Daniel 12:8

“Mbi Daniel, mbi ma tënë so, me mbi hinga nda ni pepe. Ndani laa mbi hunda ndo, mbi tene: ‘Babâ, aye so kue ayeke hunzi ande tongana nyen?’

Daniel 10:5

So mbi yo le ti mbi na nduzu, mbi baa mbeni zo aluti, lo yu bongo ti *len si kamba ti ndö ti bongo ti lo ayeke na lôro ti nzoni ni.

Daniel 7:28

“Tënë ni ahunzi na ndo so. Me ti mbi Daniel, be ti mbi agi mbi mingi, mbi woko kue si mbi ngba ti gbu li ti mbi daa.”

Daniel 7:13

“Mbi ngba ti baa aye so na bi tongana bango-li: mbi baa mbeni ye so akpa zo; zo ni alondo na ya ti mbinda, azu. Lo ga nduru na tere ti mbakoro ni si a mu lo, a gue na lo na dawa ti mbakoro ni.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Josué 5:14

Koli ni akiri tënë: “Mbi yeke na mbage ti zo oko pepe; me mbi yeke makonzi ti aturugu ti *KOTA GBIA. Gango ti mbi laa.” Tongaso Josué ati, lo kpo li ti lo na sese si lo tene: “Nyen laa kota zo ti mbi aye ti tene na mbi, zo ti gbe ti lo?”

Daniel 8:1

“Na ya ti ota ngu so Baltazar ayeke gbia, mbi Daniel, mbi kiri mbi baa mbeni ye na ya ti mbeni ye tongana bango-li na peko ti so mbi baa kozo so.

Daniel 8:19

Na pekoni, lo tene na mbi: ‘Mbi ye ti fa na mo ye so ayeke si ande na lango ti ndani, lango so ngonzo ti Nzapa ayeke hunzi na ni, ngbanga ti so a fa lango so ye kue ayeke hunzi na ni awe.

Zakarii 1:9

Mbi hunda koli ni, mbi tene: “Kota zo, ambarata so aye ti fa nyen?” *Ange so ayeke tene tënë na mbi so akiri tënë na mbi, atene: “Mbi yeke fa nda ni na mo.”