Daniel 6:13 - Mbeti ti Nzapa - Tënë so amu fini

¹³ Tongaso ala kiri na ndo ti gbia si ala tene na lo, atene: “Gbia, mo su maboko ti mo na gbe ti mbeni kota mbela pepe? Mo tene: na ya ti lango baleota, alingbi zo asambela mbeni nzapa nde pepe, wala lo voro mbeni zo nde pepe, gi mo oko. Zo so ake, fade a yeke bi lo na ya ti du ti abamara; tënë ni laa pepe, gbia?” Gbia akiri tënë, atene: “Tënë ni laa biani. Tënë ni alingbi na ndia ti azo ti Medii na ti Perse so zo alingbi ti mingo ngangu ni pepe.”

Daniel 6:13 Referans Kwoze

Daniel 3:12

Gbia, ambeni zuife ayeke daa so mo zia ala na li ti akua ti kodro ti Babilone. Azo ni ayeke Shadrak, Meshak na Abed-Nego. Ala ma yanga ti mo pepe: ala ke ti sara na anzapa ti mo, ala ke nga ti voro yanda ti lôro so mo zia ni aluti na nduzu so.”

Awatokua 5:29

Pierre na awatokua akiri tënë: “Alingbi e ma yanga ti Nzapa ahon ti azo.

Daniel 2:25

Ariok amu Daniel hio si ague na lo na gbe ti gbia. Ariok atene na gbia, atene: “Gbia, mbi wara mbeni koli so alingbi ti fa nda ti bango-li ti mo ni; lo yeke na popo ti azo ti Juda so a gbu ala kâ si a ga na ala so.”

Daniel 5:13

Tongaso azo ague, aga na Daniel na dawa ti gbia. Gbia ahunda lo, atene: “Mo laa Daniel? Oko ti azuife so gbia, babâ ti mbi agbu ala na sese ti Juda si aga na ala so?

Esther 3:8

Haman atene na gbia Zerses: “Babâ gbia, mbeni mara ayeke na ya ti kodro so ayeke ti lo nde. Azo ti mara ni amu ya ti kodro ti mo kue si ala yeke duti ti ala nde na azo ti kodro ni. Lege ti dutingo ti ala na sarango ye ti ala ayeke nde na ti ambeni mara; ala ye ti sara ye alingbi na andia ti gbia pepe. Tongana mo zia ala duti kpoo tongaso, mo yeke wara nyen daa?

Daniel 1:6

Andaa amaseka-koli osio ti mara ti Juda ayeke na popo ti amaseka-koli so a soro ala so: Daniel, Hanania, Mishael na Azaria.

Awatokua 17:7

Yason ayamba ala na da ti lo! Azo so kue ayeke sara ye so ake andia ti kota gbia ti Rome; ala tene, mbeni gbia nde ayeke daa, iri ti lo Jésus.”

Daniel 3:8

Kete na pekoni, ambeni zo ti Babilone aga si abi tënë na li ti azuife.

Daniel 3:11

Zo so ake ti kuku ti voro yanda ni, fade a bi lo biaku na ya ti kota wâ so ayeke za ngangu.’