Daniel 6:12 - Mbeti ti Nzapa - Tënë so amu fini

¹² Awato ti Daniel aga na loro na ndo ti lo, ala wara lo, lo ngba ti sambela si lo yeke voro tere ti lo na Nzapa ti lo.

Daniel 6:12 Referans Kwoze

Daniel 6:8

Agbenyogbia kue ti kodro ni, akota komanda na amakonzi, awamungo-wango na agovoronere ama tere. Gbia, tongana mo yeda, fade mo mu mbeni kota mbela ti kanga lege na mbeni sarango ye ti azo. Tënë ti ya ni ayeke duti tongaso: na ya ti lango baleota, fade zo avoro mbeni nzapa nde pepe, wala lo voro mbeni zo nde pepe, gi mo oko. Tongana zo ni ake, o gbia, mo bi lo na ya ti du ti abamara.

Esther 1:19

Gbia, tongana be ti mo aye, fade mo mu mbeni kota mbela ti kanga lege na Vasti ti kiri ti ga na dawa ti mo. Fade mo mu ndo ti Vasti na mbeni wali so ayeke nzoni ahon lo. Fade ndia so ali na ya ti mbeti ti andia ti kodro ti Perse na ti Medii si ngangu ni ayeke ngba tongaso biani biani.

Awatokua 16:19

So awa ti lo abaa lege ti warango nginza ti ala abuba awe, ala gbu Paul na Silas, agboto ala si ague na ala na gbe ti akota zo ti gbata ni, na ndo so azo ayeke bongbi tere ti ala daa.

Awatokua 16:24

So wabatango da ti kanga ni ama tënë so, lo bi ala na ya ti mbeni kete kubu so ayeke na ngbonda ti da ti kanga ni. Lo kanga gere ti ala na ya ti akota keke.

Daniel 6:15

So gbia ama tënë so, vundu agbu be ti lo mingi. Nilaa lo yeke gi lege ti soo Daniel na kuâ. Lo gi lege ti soo Daniel ngbii asi na lakui.