Daniel 5:22 - Mbeti ti Nzapa - Tënë so amu fini

²² Ti mo Baltazar, molenge ti lo, mo hinga aye so kue, me mo ke ti sara tere ti mo kete.

Daniel 5:22 Referans Kwoze

2 Mbai 33:23

Me lo sara tere ti lo kete pepe na dawa ti KOTA GBIA tongana ti so babâ ti lo Manase asara. Ti Amon ni, lo kiri lo sara sioni mingi ahon ti babâ ti lo.

Sigingo 10:3

Moïse na Aaron ague na ndo ti Faraon si ala tene na lo: “Tënë so KOTA GBIA, Nzapa ti ahebro atene ayeke so: ‘Mo yeke ke ti sara tere ti mo kete na dawa ti mbi ngbii asi lawa? Zia lege na azo ti mbi titene ala gue, avoro mbi.

Jacques 4:17

Tongaso, zo so ahinga ti sara nzoni ye si lo sara ni pepe, andaa lo sara siokpari awe.

2 Mbai 36:12

Lo sara ye so ayeke sioni na le ti *KOTA GBIA, Nzapa ti lo. Lo sara tere ti lo kete pepe na dawa ti Jérémie, wayanga-Nzapa so ayeke tene tënë na iri ti KOTA GBIA.

Jacques 4:6

Me Nzapa akiri asara na e nzoni be mingi ahon ti so. Biani, Mbeti ti Nzapa atene: “Nzapa ake tënë ti azo ti baba, me lo yeke sara nzoni be na azo so asara tere ti ala kete.”

Jean 13:17

Fadeso ala hinga ye ni awe. Ti ala nzoni tongana ala sara ye alingbi na ni!

Nzoni Tënë so Luc asu na mbeti 12:47

Zo ti kua so ahinga ye so makonzi ti lo aye, me lo leke ye oko pepe, wala lo sara ye alingbi na yanga ti makonzi ti lo ni pepe, fade a yeke pika lo mingi.

Matthieu 21:32

Biani, Jean aga ando na mbage ti ala, lo fa na ala lege so ayeke lege ti sarango ye ti mbirimbiri, me ala yeda na tënë ti lo pepe. Me azo ti rongo nginza ti lapo na awali-ndumba ayeda na tënë ti lo. Ti ala, na peko ti ye so kue ala baa, ala ke ti zia sioni lege ti ala, ala yeda na tënë ti lo pepe.”

Matthieu 14:4

Lo kanga lo, ngbanga ti so Jean atene lani na lo, atene: “*Ndia amu lege na mo pepe titene mo mu Herodiade ti ga wali ti mo!”

Daniel 5:18

Babâ gbia, Nzapa so ayeke na ndö ti aye kue asara si babâ ti mo Nabukodonosor aga ando kota gbia, azo agonda lo mingi si ane lo na taa nengo ti gbia.

Ésaïe 26:10

Me tongana a de ngbanga na li ti azo ti sioni pepe, ala yeke manda ti sara ye ti mbirimbiri pepe. Ataa kodro so a yeke sara ka ye na legeni, azo ti sioni ni ayeke sara sioni, ala yeke baa ngangu ti mo KOTA GBIA pepe.

Abia (Psaumes) 119:46

Na dawa ti agbia, mbi yeke tene tënë ti aye so mo hunda; kamene ayeke sara mbi pepe.

Ésaïe 13:11

KOTA GBIA atene: “Fade mbi yeke fâ ngbanga na ndö ti azo ti dunia ndali ti sioni ti ala, na ndö ti azo ti sioni ndali ti sioni ti ala. Mbi yeke kai baba ti azo ti sioni yanga, mbi yeke hunzi baba ti azo ti nikango amba ti ala.

Ésaïe 14:13

Mo yeke tene ando na be ti mo, mo tene: “Mbi yeke ma ngbii mbi si na yayu, mbi yeke zia mbata ti mbi ti gbia na ndö ti atongoro ti Nzapa. Mbi yeke duti na ndö ti hoto so anzapa ayeke wara tere daa, yongoro kâ na mbage ti Banga.