Daniel 5:14 - Mbeti ti Nzapa - Tënë so amu fini

¹⁴ Mbi ma a tene, mo yeke zo so yingo ti anzapa asi mo singo; mo hinga ndo mingi, mo hinga ye mingi si mo yeke na ndara so ambeni zo ayeke na ni pepe.

Daniel 5:14 Referans Kwoze

Tongo nda ti aye 41:38

Faraon ahunda ala, atene: “E lingbi ti wara mbeni zo so yingo ti Nzapa ayeke na ya ti lo tongana koli so?”

Daniel 2:22

Lo laa lo yeke fa nda ti ye so ali si ahonde. Lo hinga ye so ayeke na vukongo ndo si lumiere akanga tere ti lo kue.

Daniel 4:8

Keke ni angba ti kono si akpengba: li ni ague ngbii akpo le ti nduzu si azo ti dunia kue alingbi ti baa ni.

Daniel 5:13

Tongaso azo ague, aga na Daniel na dawa ti gbia. Gbia ahunda lo, atene: “Mo laa Daniel? Oko ti azuife so gbia, babâ ti mbi agbu ala na sese ti Juda si aga na ala so?

Daniel 5:15

Fafadeso, a ga na mbi azo ti ndara na azo ti mazi titene ala diko mbeti so a su na tere ti da so awe. Mbi ye nga fade titene ala fa na mbi nda ni, me ala ha gbaa.

Daniel 6:3

Lo zia na li ti ala agbenyogbia ota; oko ti agbenyogbia ni ayeke Daniel. Amakonzi ni ayeke fa peko ti akua ti ala na agbenyogbia ota so, tongaso si iri ti gbia alingbi ti buba pepe.

Tongo nda ti aye 41:15

Faraon atene na Joseph: “Mbi baa li ti mbi, me zo oko ti fa na mbi nda ti bango-li ni ayeke daa pepe. Mbi ma tënë ti mo. Azo atene na mbi atene, mo lingbi ti fa nda ti bango-li na zo so atene bango-li ti lo na mo senge.”