Daniel 5:1 - Mbeti ti Nzapa - Tënë so amu fini

¹ Mbeni lâ, gbia Baltazar asara kota matanga ti tengo kobe ndali ti akota zo ti lo so wungo ti ala ayeke saki oko si na dawa ti ala, lo nyon samba.

Daniel 5:1 Referans Kwoze

Esther 1:3

lo leke mbeni kota matanga ti tengo kobe ndali ti akota zo ti kua ti lo kue na akota zo ti akua nde nde. Lo leke nga ni ndali ti akota zo so ayeke na li ti aturugu ti Perse na ti Medii, nga ndali ti azo so azo ane ala mingi na akota zo ti kua ti kodro ni kue.

Ésaïe 22:14

Me *KOTA GBIA so ayeke na ndö ti dunia kue atene na mê ti mbi tënë so angba na hondengo, atene: “Mbi deba yanga ti mbi, mbi tene, sioni so ala sara so, a yeke zi tënë ni na li ti ala laoko pepe, ngbii ala kui.” Tënë so Kota Gbia, NZAPA so ayeke na ndö ti dunia kue atene laa.

Ésaïe 22:12

Na lango ni so, Kota Gbia, NZAPA so ayeke na ndö ti dunia kue, airi ala ti toto, ti dema tere, ti kio kua ti li ti ala, ti yu bongo ti mua.

Nahum 1:10

Awato ti ala ni ayeke tongana gba ti akeke ti ki so ali ya ti tere kirikiri; awato ni anyon samba ahon ndö ti ala awe. Fade ala yeke gbi kue tongana holengo pere.

Jérémie 51:57

“Mbi yeke mu samba na akota zo ti lo nga na azo ti ndara ti lo, agovoronere ti lo, akota komanda nga na angangu turugu ti lo. Fade azo ni ayeke lango kpu na kpu, ala yeke kiri ti zingo pepe; so tënë ti yanga ti Gbia laa, lo so iri ti lo ayeke KOTA GBIA so ayeke na ndö ti dunia kue.”

Jérémie 51:39

Na ndembe so nzara ti aye ayeke gbi be ti ala tongana wâ, mbi yeke leke matanga ti tengo kobe ndali ti ala. Mbi yeke mu na ala samba, ala nyon ngbii ahon ndö ti ala. Fade ala yeke lango kpu na kpu, ala yeke kiri ti zingo pepe; so tënë ti yanga ti KOTA GBIA laa.

Tongo nda ti aye 40:20

Na lango ota ni, Faraon asara matanga ti lango ti dungo lo; lo tisa azo ti kua ti lo kue. Na popo ti ala, lo mu makonzi ti azo ti mungo samba na lo, na makonzi ti azo ti zongo mapa ti lo, lo zia ala na kota ndo.

Jérémie 50:35

“Bira aga na tere ti Babilone, na tere ti azo ti Babilone, na akota zo ti kodro ti ala nga na azo ti ala so ayeke na ndara! So tënë ti yanga ti *KOTA GBIA laa.

Daniel 5:30

Gi na bi ni, azo afâ Baltazar, gbia ti Babilone.