Daniel 4:9 - Mbeti ti Nzapa - Tënë so amu fini

⁹ Akugbe ni ayeke pendere si ale ni ayeke gbani gbani. Tongaso kobe ayeke daa ndali ti aye kue. Anyama ti ngonda ayeke lango na gbe ni; andeke ti nduzu ayeke sara ada ti ala na tere ti amaboko ni. Aye so kue ayeke na fini ayeke wara kobe gi na lege ti keke ni.

Daniel 4:9 Referans Kwoze

Daniel 5:11

Na ya ti kodro ti mo so, mbeni koli ayeke daa so yingo ti anzapa so ayeke nde si ayeke nzoni kue asi lo singo. Lani so babâ ti mo angba gbia, azo abaa lo tongana zo so le ti lo ahan mingi, so ahinga ye mingi si ayeke na ndara tongana anzapa. Ndani laa, babâ ti mo Nabukodonosor azia lo makonzi na li ti azo ti nganga, azo ti yoro, azo ti mazi na azo ti bango nda ti aye.

Daniel 2:48

Na pekoni, gbia asara si Daniel aga kota zo mingi. Lo mu na lo gba ti anzoni ye, lo zia lo ti sara komandema na ndö ti kodro ti Babilone kue. Lo zia nga lo makonzi na li ti azo ti nganga so kue ayeke na Babilone.

Daniel 4:8

Keke ni angba ti kono si akpengba: li ni ague ngbii akpo le ti nduzu si azo ti dunia kue alingbi ti baa ni.

Daniel 4:5

Na pekoni Daniel, so mbeni iri ti lo ayeke Beltasar, aga. Beltasar ayeke iri ti nzapa ti mbi so a mu na lo. Yingo ti anzapa so ayeke nde si ayeke nzoni kue asi Daniel singo. Mbi fa bango-li ni na lo, mbi tene:

Daniel 1:20

Lakue gbia ayeke hunda na ala atënë so ahunda ndara na hingango ye. Nilaa lo baa amaseka-koli osio so ahinga ye fani baleoko ahon azo ti nganga na azo ti yoro so kue ayeke na ya ti kodro ti lo.

Ezekiel 28:3

Mo baa ti mo, mo tene, mo yeke na ndara, mo hon Daniel; mbeni tënë ti gbe mingo ti honde na le ti mo ayeke daa pepe.

Tongo nda ti aye 41:38

Faraon ahunda ala, atene: “E lingbi ti wara mbeni zo so yingo ti Nzapa ayeke na ya ti lo tongana koli so?”

Daniel 4:18

akugbe ti keke ni ayeke pendere si ale ni ayeke gbani gbani, kobe ayeke daa ndali ti aye kue. Anyama ti ngonda ayeke lango na gbe ni, andeke ti nduzu asara ada ti ala na tere ti amaboko ni.

Ésaïe 54:14

Sarango ye ti mbirimbiri ayeke sara si mo luti ngangu. Zo oko ti kiri ti sara ngangu na mo ayeke daa pepe, mbeto ayeke kiri ti sara mo pepe, zo oko ti kiri ti zia mbeto na be ti mo ayeke daa pepe. Mbeni ye ti zia kota mbeto na be ti mo ayeke si nduru na mo pepe.

Ésaïe 33:18

Mo yeke gbu li ti mo na ndö ti ye so ayeke zia lani mbeto na be ti mo si mo yeke hunda tere ti mo, mo tene: “Azo so lani ayeke baa ndo na ndö ti akua so, ala yeke fadeso na ndo wa? Azo so lani ayeke diko nginza ti lapo so, ala yeke fadeso na ndo wa? Azo so lani ayeke baa lege ti angangu gbagba so, ala yeke fadeso na ndo wa?”

1 Samuel 4:8

Azo, e kui awe! Zo wa laa ayeke zi e na maboko ti ngangu Nzapa so? Nzapa so laa abi ando akpale nde nde na ndö ti azo ti Ezipte na ya ti benyama.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Ezekiel 17:23

Mbi yeke lu maboko ni na ndö ti mbeni yongoro hoto ti Israel. Fade amaboko ni ayeke sigigi daa, ayeke le si ayeke ga pendere keke ti sedre. Amara ti andeke nde nde ayeke sara da ti ala na ya ti amaboko ti keke ni, ala yeke duti na gbe ti de ni.