Daniel 4:25 - Mbeti ti Nzapa - Tënë so amu fini

²⁵ Atënë so kue a tene na ndö ti Nabukodonosor asi gi tongana ti so Daniel afa.

Daniel 4:25 Referans Kwoze

Daniel 4:17

Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Jérémie 27:5

Mbi laa mbi sara sese, azo na anyama so kue ayeke na ndö ti sese na lege ti kota ngangu ti mbi, na lege ti maboko ti mbi so mbi yoro. Mbi mu ala na zo so be ti mbi aye.

Abia (Psaumes) 83:18

Ayeke nzoni kamene na mbeto agbu ala lakue lakue. Ayeke nzoni kota kamene agbu ala si ala kui kue!

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

Abia (Psaumes) 106:20

Ala zia Nzapa, lo so lo yeke gonda ti ala ti voro limo ti bagara so ayeke te gi pere.

Abia (Psaumes) 75:7

Ye so asara si zo aga kota alondo na To wala na Do pepe, ye so asara si zo aga kota alondo nga na benyama pepe,

Abia (Psaumes) 103:19

KOTA GBIA azia mbata ti lo ti gbia na yayu; lo yeke le-gbia na ndö ti aye kue.

Daniel 2:37

O gbia! Mo yeke gbia ti agbia. Nzapa so ayeke na yayu laa azia mo gbia; lo mu na mo komandema, ngangu na gonda.

Daniel 2:47

Gbia atene na Daniel, atene: “Taa-tënë, Nzapa ti ala ayeke Nzapa so ahon anzapa kue; lo yeke Gbia ti agbia. Lo laa lo yeke fa nda ti aye ti ndima, ngbanga ti so mo fa na mbi nda ti ye ti ndima so awe.”

Daniel 4:2

Na mbeni bi, tongana mbi yeke na ndö ti gbogbo ti mbi, mbi baa li ti mbi. Bango-li ni azia mbeto mingi na be ti mbi si be ti mbi angba lakue gi na nduzu ndali ti aye so mbi baa.

Daniel 4:16

Na ya ti mbeni kete ngoi, mbeto asara Daniel mingi, lo so mbeni iri ti lo ayeke Beltasar so; gbungo-li ti lo ague kirikiri. Tongaso gbia atene na lo, atene: “Gbungo-li ti mo ague kirikiri ndali ti bango-li ni pepe, wala ndali ti nda bango-li ni pepe.” Beltasar akiri tënë: “Gbia, mbi ye fade titene bango-li ni na nda ti bango-li ni aduti ti mo pepe, me aduti ti awato ti mo na ala so ake mo!