Daniel 4:17 - Mbeti ti Nzapa - Tënë so amu fini

¹⁷ Mo baa keke so akono si aga ngangu, li ni ague ngbii akpo le ti nduzu si azo ti dunia kue alingbi ti baa ni;

Daniel 4:17 Referans Kwoze

Daniel 4:25

Atënë so kue a tene na ndö ti Nabukodonosor asi gi tongana ti so Daniel afa.

Daniel 2:21

Lo laa lo yeke leke angoi nde nde; lo yeke leke akapa ti aye nde nde; lo yeke tumba agbia na ndö ti mbata si lo yeke zia ala na ndö ti mbata. Lo laa lo yeke mu ndara na azo ti ndara si lo yeke sara titene zo ahinga ndo.

1 Samuel 2:8

Zo so ayeke na ngangu pepe si ayeke lango na ya ti fuku ti sese, KOTA GBIA laa ayeke mu lo na nduzu. Zo ti mawa so ayeke lango na ya ti azende, KOTA GBIA ayeke mu lo ti zia lo na popo ti akota zo. Lo yeke mu azo ti mawa ti zia ala na kota ndo. Agere ti sese ayeke ti KOTA GBIA; lo laa lo leke sese ni na ndö ni.

1 Korente 1:28

Ye so azo ti dunia so abaa na le ti ala tongana kete ye, tongana mbumbuse ye, tongana ye so akpa ye oko pepe, Nzapa asoro ni ti buba na ye so azo ni abaa tongana kota ye na le ti ala.

Daniel 11:21

“ ‘Zo so ayeke ga na peko ti lo ayeke duti mbeni mbumbuse zo so azo amu na lo nengo ti gbia pepe. Lo yeke ga na ndembe so siriri ayeke daa si lo yeke mu kodro ni na lege ti sarango aye ti handa.

Sigingo 9:16

Me mbi zia mo, mo ngba na fini titene mbi fa ngangu ti mbi na mo, titene na lege ti mo, azo agonda iri ti mbi na ndö ti sese kue.

Ezekiel 25:17

Peko ti sioni so mbi yeke kiri ni na ala na pika so mbi yeke pika ala ayeke duti sioni mingi. Tongaso, fade ala yeke hinga atene, mbi laa mbi yeke KOTA GBIA na lege so mbi yeke kiri peko ti sioni na ala.”

Ezekiel 7:24

Fade mbi yeke sara titene amara so ayeke sioni ahon ndoni aga amu ada ti ala. Mbi yeke kai baba ti angangu zo, awato ni ayeke sara si ando ti vorongo anzapa ti ala aga sioni.

Ésaïe 6:3

Ala yeke dekongo na amba ti ala, atene: “*KOTA GBIA ayeke nde, lo yeke nde, lo yeke nde si lo yeke nzoni kue, KOTA GBIA so ayeke na ndö ti dunia kue so! Ndö ti sese kue asi singo na gonda ti lo!”

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

Aye so Nzapa afa 4:8

Aye osio so ayeke na fini, ala oko oko ayeke na *kpangi omene. Ale ti bango na ndo ayeke na tere ti akpangi ni kue, na ya ni nga na gigi. Bi na lâ, ala ngba ti he bia, atene: “*Kota Gbia, Nzapa so ngangu ti lo ahon angangu kue, lo yeke nde, lo yeke nde; lo yeke nde si lo yeke nzoni kue! Lo yeke ando, lo yeke laso si lo yeke ga.”

1 Timothée 5:21

Na le ti Nzapa, na le ti Jésus Christ, na le ti *a-ange so lo soro ala, mbi hunda na mo na ngangu ti sara aye so kue: mo mu mbage ti mbeni zo pepe, mo ye ambeni zo ahon ambeni pepe.

Ésaïe 6:8

Tongaso mbi ma go ti Kota Gbia, atene: “Zo wa laa mbi yeke tokua lo, zo wa? Zo wa laa ayeke gue ti tene peko ti tënë ti yanga ti e, zo wa?” Mbi kiri tënë, mbi tene: “Mbi laa, mo tokua mbi!”

Abia (Psaumes) 12:8

KOTA GBIA, mo so mo yeke sara ye alingbi na tënë ti yanga ti mo, fade mo yeke bata e kpu na kpu si mara ti azo tongaso asara sioni na e pepe.

2 Mbai 28:22

Na ngoi so gbia Ahaz ayeke na ya ti kpale so, lo ngba ngbango ti sara sioni mingi so ake KOTA GBIA.

Rome 13:1

Alingbi azo kue ama yanga ti akota zo ti li ti kodro, ngbanga ti so komandema kue alondo na Nzapa; akota zo ti li ti kodro, Nzapa laa azia ala na ndö ti mbata ti komandema.

Abia (Psaumes) 103:19

KOTA GBIA azia mbata ti lo ti gbia na yayu; lo yeke le-gbia na ndö ti aye kue.

Daniel 4:2

Na mbeni bi, tongana mbi yeke na ndö ti gbogbo ti mbi, mbi baa li ti mbi. Bango-li ni azia mbeto mingi na be ti mbi si be ti mbi angba lakue gi na nduzu ndali ti aye so mbi baa.

Daniel 7:25

lo yeke tene asioni tënë na tere ti Nzapa so ayeke na yayu kâ na ndö ti aye kue si lo yeke sara ngangu na azo so Nzapa asoro ala. Lo yeke leke na be ti lo ti sanze alango ti nze nga na andia ti azo ti Nzapa. Fade a yeke zia azo ti Nzapa na maboko ti gbia ni na ya ti ngu ota na ndambo.