Daniel 4:1 - Mbeti ti Nzapa - Tënë so amu fini

¹ “Mbi Nabukodonosor, mbi yeke duti ti mbi lani kpoo na ya ti da ti mbi si mbi yeke nzoni na yangbo ti mbi.

Daniel 4:1 Referans Kwoze

Daniel 6:25

Gbia amu yanga titene a ga na akoli so a bi tënë na li ti Daniel so. A mu ala si a bi ala na ya ti du ti abamara, ala na awali ti ala nga na amolenge ti ala. Kozo titene azo ni ati na ngbonda ti du ni kâ, abamara ni agbu ala gi na le ti nduzu si afâ ya ti abio ti ala nduru nduru.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!

Daniel 3:4

Zo ti batango bongbi ni adekongo ngangu, atene: “Ala azo kue, azo ti amara nde nde kue na ala, azo ti ayanga ti kodro nde nde kue, ala ma tënë so gbia atene. Lo mu yanga, lo tene:

Efeze 1:2

Ayeke nzoni Nzapa Babâ ti e na *Kota Gbia Jésus Christ asara nzoni be na ala si amu na ala siriri.

Daniel 3:29

Ndani laa, mbi mu yanga fadeso, mbi tene: ‘Zo so ayeke tene sioni tënë ti Nzapa ti Shadrak, ti Meshak na ti Abed-Nego, ataa zo ni ayeke ti mara wa, wala ti yanga ti kodro wa, fade a yeke fâ ya ti zo ni nduru nduru; fade da ti zo ni aga ndo ti azende. Biani, mbeni nzapa nde ti soo zo na kuâ tongaso ayeke daa pepe.’ ”

Esdras 4:17

Gbia Artakzerses akiri na peko ti mbeti ni atene: “Mbi tokua mbeti so na govoronere Rehum, na wakuasu Shimeshai nga na amba ti ala so ayeke na gbata ti Samarii nga na ala so ayeke na sese ti Do ti ngu ti Efrate. “Mbi bara ala…

1 Mbai 12:18

David aga na dawa ti ala si lo tene na ala: “Tongana ala ga na tënë ti siriri na mbi si ala ye ti mu maboko na mbi, fade mbi yeke yamba ala na be ti mbi kue. Me tongana ala ga ti handa mbi ti zia mbi na maboko ti awato ti mbi, ataa so mbi sara ye ti sioni oko pepe, ayeke nzoni Nzapa ti akotara ti e abaa ye ni si lo fâ ya ti tënë ni.”

1 Timothée 1:2

Mbi tokua mbeti so na mo Timothée so mo yeke taa molenge ti mbi na lege ti mabe. Ayeke nzoni Nzapa Babâ na *Kota Gbia ti e Jésus Christ asara nzoni be na mo, abaa mawa ti mo si amu na mo siriri!

Rome 1:7

Mbi tokua mbeti so na ala so kue ayeke na Rome, ala so Nzapa aye ala mingi si lo iri ala ti ga azo ti lo. Ayeke nzoni Nzapa Babâ ti e na Kota Gbia Jésus Christ asara nzoni be na ala si amu na ala siriri.

Awatokua 2:6

So ala ma go ti azo ni, ala ga abongbi tere ti ala gbani gbani. Li ti azo ni aga kirikiri, ngbanga ti so zo oko oko ayeke ma azo ti Jésus so ayeke tene tënë taa na yanga ti kodro ti lo.

Zakarii 8:23

Tënë so KOTA GBIA so ayeke na ndö ti dunia kue atene ayeke so: na ngoi ni so, fade azo baleoko so ayeke tene ayanga ti kodro nde nde ayeke gbu mbeni zuife oko na yanga ti bongo ti lo si ayeke tene na lo: ‘E nga, e ye ti gue na ala, ngbanga ti so e ma a tene, Nzapa ayeke na ala.’ ”

Daniel 7:14

A mu na lo ngangu ti sara komandema, a mu na lo gonda si a mu lo gbia. Tongaso amara nde nde na azo ti ayanga ti kodro nde nde kue asara kua na lo. Ngangu ti lo ti sara komandema angba lakue lakue, fade ayeke hunzi pepe. Mbeni ye ti buba lengo-gbia ti lo ayeke daa laoko pepe.

Daniel 6:27

“Mbi mu yanga na ala kue, mbi tene: Na ya ti kodro so kue ayeke na gbe ti komandema ti mbi, alingbi azo kue akpe mbeto ti Nzapa ti Daniel si ane lo. Biani, lo yeke Nzapa so ayeke na fini, lo ngba lakue lakue. Lengo-gbia ti lo ayeke ngba kpu na kpu, fade ngoi ti lo ti duti gbia ayeke hunzi laoko pepe.

Esther 8:9

Gi na oko lango ni so, so ti tene na lango baleuse na ota ti ota nze ni, so ti tene nze ti Sivan si a tisa awakuasu ti gbia ti ga. Ala ga si ala su ambeti ni alingbi gi na yanga so Mardochée amu na ala ndali ti azuife; ala tokua ambeti ni na akota komanda, agovoronere nga na akota zo ti akodro-sese ngbangbo oko na baleuse na mbarambara ti kodro ni kue, ti londo na Inde ngbii asi na Etiopii. Ala su ambeti ni na lege ti kode ti sungo mbeti ti azo ti akodro-sese oko oko nga na yanga ti kodro ti amara oko oko. Ala su nga ambeti ni na lege ti kode ti sungo mbeti ti azuife nga na yanga ti kodro ti ala.

Esther 3:12

Na lango baleoko na ota ti kozo nze ni, a tokua titene a iri awakuasu ti gbia ti ga. Ala ga si ala su na mbeti atënë ni kue alingbi gi na yanga so Haman amu na ala. Na pekoni ala tokua mbeti ni na akota komanda, agovoronere ti akodro-sese oko oko nga na amakonzi ti amara oko oko kue. Awakuasu ni asu ambeti ni na lege ti kode ti sungo mbeti nga na yanga ti kodro ti azo ni oko oko kue. Awakuasu ni asu iri ti gbia Zerses daa si ala kpo nzoroko ti lo na ndö ni.

Esdras 5:7

Tënë ti ya ti mbeti ni atene: “Gbia Darius, e bara mo, mo duti nzoni!