Daniel 3:3 - Mbeti ti Nzapa - Tënë so amu fini

³ Tongaso amakonzi, akota komanda, agovoronere, awamungo-wango, awabatango-nginza, azo ti ndia, awafango-ngbanga na akota zo ti akete kodro ni kue abongbi tere ti ala ti sara matanga ti yanda so gbia azia ni aluti na nduzu so. Ala luti na dawa ti yanda ni.

Daniel 3:3 Referans Kwoze

Aye so Nzapa afa 17:17

Biani, Nzapa azia na be ti ala titene ala sara gi ye so lo wani, lo ye. Fade tënë ti be ti ala ayeke gi oko, ala yeke mu komandema ti ala na nyama ni ngbii ye kue asi alingbi na tënë ti Nzapa.

Aye so Nzapa afa 17:13

Ala baleoko kue, tënë ti be ti ala ayeke gi oko: ala mu komandema ti ala na ngangu ti ala na nyama ni.

Rome 3:11

Zo ti hingango ndo ayeke daa pepe, zo ti gingo lege ti Nzapa ayeke daa pepe.

Daniel 3:2

Na pekoni, gbia Nabukodonosor atokua azo ti bongbi amakonzi, akota komanda, agovoronere, awamungo-wango, awabatango-nginza, azo ti ndia, awafango-ngbanga na akota zo ti akete kodro ni kue. A iri ala ti ga na matanga ti vorongo yanda so gbia azia ni aluti na nduzu so.

Daniel 3:4

Zo ti batango bongbi ni adekongo ngangu, atene: “Ala azo kue, azo ti amara nde nde kue na ala, azo ti ayanga ti kodro nde nde kue, ala ma tënë so gbia atene. Lo mu yanga, lo tene:

Daniel 3:27

Amakonzi, akota komanda, agovoronere na awamungo-wango ti gbia abongbi gbani gbani ti baa akoli ota so; ala baa tere ti ala kpoo: wâ ni andu mbeni ye ti tere ti ala oko pepe, kua ti li ti ala agbi pepe, abongo ti ala agbi nga pepe, tere ti ala afun guru pepe.