Daniel 12:6 - Mbeti ti Nzapa - Tënë so amu fini

⁶ Mbeni oko atene na lo so ayu bongo ti *len si lo luti na ndö ti ngu so, atene: ‘Aye ti kpene so ayeke hunzi lawa?’

Daniel 12:6 Referans Kwoze

Daniel 8:13

“Tongaso, mbi ma mbeni ange so ayeke tene tënë. Mbeni ange nde ahunda lo ti kozoni so, atene: ‘Aye so azo abaa na ya ti mbeni ye tongana bango-li so ayeke ninga ngbii asi lawa? A yeke zia lege ti mungo sandaga so a yeke mu na ya ti lango oko oko so ngbii asi lawa? Sioni sarango ye ti bubango ndo so ayeke ninga ngbii asi lawa? A yeke ngba ti do na gere ndo so a zia ni nde ndali ti Nzapa ngbii asi lawa? A yeke ngba ti do na gere aturugu ti yayu ngbii asi lawa?’

Ezekiel 9:2

Tongaso mbi baa akoli omene alondo na yanga ti kota da ti Nzapa si ayeke ga; yanga ti da so ayeke na mbage ti nduzu si ayeke baa le na mbage ti Banga so. Zo oko oko ayeke na ye ti bira ti bubango na ye na maboko ti lo. Na popo ti ala, mbeni koli ayeke daa so ayu bongo ti *len; lo yoro ye ti sungo na mbeti na gbe ti kamba ti ndö ti bongo ti lo. Akoli ni kue aga aluti na tere ti gbalaka so a sara ni na bengba wen.

Daniel 8:16

Mbi ma mbeni go so alondo na mbage ti ngu ti Ulai; go ni adekongo, atene: ‘Gabriel, ye so zo so abaa tongana bango-li so, ayeke nzoni mo fa nda ni na lo.’

Aye so Nzapa afa 19:14

Aturugu ti yayu amu peko ti lo, ala kue ayeke na ndö ti avuru mbarata si ala yu pendere vuru bongo so a sara na *len si ayeke *nzoni.

Aye so Nzapa afa 15:6

A-ange mbarambara so agbu aye ti sioni mbarambara na maboko ti ala, alondo na ya ti kota da ti Nzapa, asigigi. Ala yu bongo so a sara na *len ti nzoni ni so aza zango si ala kanga na kate ti ala kamba ti ndö ti bongo so a sara na lôro.

Aye so Nzapa afa 6:10

Azo ni ayeke dekongo ngangu, atene: “Gbia, mo so mo yeke nde si mo yeke nzoni kue, mo yeke tene gi taa-tënë; mo yeke ku ande ngbii asi lawa si mo yeke fâ ngbanga na li ti azo ti ndö ti sese titene mo kiri na ala peko ti mene ti e so ala tuku so?”

1 Pierre 1:12

Nzapa afa na ala atene, tënë ni ayeke ndali ti ala wani pepe, me ayeke ndali ti ala, a-ita. Tënë ni laa azo ti fango Nzoni Tënë ayeke fa ni na ala, na lege ti Yingo-Vuru so alondo na yayu si aga. Tënë ni, *a-ange wani ayeke na nzara ti hinga ni.

Efeze 3:10

Me fadeso, lo fa ye ni na lege ti *Eglize titene ayingo so ayeke na nduzu si ayeke na komandema ahinga atënë ti ndara nde nde kue ti Nzapa.

Abia (Psaumes) 74:9

Ye so afa atene, mo yeke na popo ti e, e kiri e baa ni pepe; mbeni wayanga-Nzapa oko ayeke na popo ti e mbeni pepe. Aye ni so ayeke gue ngbii ti hunzi lawa? Na popo ti e, mbeni zo oko ahinga ni pepe.

Matthieu 24:3

Jésus aduti na li ti hoto ti a-olive, adisiple aga nduru na tere ti lo; so ala yeke gi ala oko, ala hunda lo, atene: “Tene na e, ye ni ayeke si ande lawa? Nyen laa ayeke fa lango ti gango ti mo nga na lango ti ndani?”

Marc 13:4

“Tene na e, ye ni ayeke si ande lawa? Nyen laa ayeke fa lango so aye so kue ayeke si na ni?”

Daniel 12:5

“Mbi Daniel, mbi yeke baa ndo si mbi baa azo use so ayeke luti na yanga ti ngu, oko na mbage ge, oko na mbage kâ.

Daniel 12:8

“Mbi Daniel, mbi ma tënë so, me mbi hinga nda ni pepe. Ndani laa mbi hunda ndo, mbi tene: ‘Babâ, aye so kue ayeke hunzi ande tongana nyen?’