Daniel 11:9 - Mbeti ti Nzapa - Tënë so amu fini

⁹ Me gbia ti Banga ayeke gue na ndo ti gbia ti Mbongo; na pekoni, lo yeke kiri na kodro ti lo.

Daniel 11:9 Referans Kwoze

Daniel 11:5

‘Fade gbia so ayeke na Mbongo ayeke ga ngangu. Me mbeni turugu ti kota kamba ti lo oko ayeke duti ngangu ahon lo; komandema ti turugu ni ayeke hon ti gbia ni.

Daniel 11:8

Anzapa ti ala so lo gbu na ya ti bira, na ayanda ti ala so a sara na wen, fade lo yeke mu ni ti gue na ni na Ezipte. Lo yeke gue nga na aye ti kua ti nzoni ni so a sara na wen ti nginza na lôro. Na pekoni, lo yeke zia lege ti sarango bira na gbia so ayeke na Banga aninga ambeni ngu.

Daniel 11:10

‘Fade amolenge ti gbia ti Banga ayeke londo ti sara bira; ala yeke bongbi aturugu gbani gbani. Mbeni oko ti amolenge ni ayeke ga na aturugu ti lo si ala yeke mu akodro mingi. Na kiringo ti gbia ni na kodro ti lo, lo yeke li na ya ti mbeni gbata tongana ngu so asuku si amu ndo kue; lo yeke sara bira na ya ti mbeni gbata so ngangu gbagba ayeke na tere ni.

Daniel 11:11

Ngonzo ayeke gbu gbia ti Mbongo sioni sioni si lo yeke gue ti sara bira na gbia ti Banga. Gbia ti Banga ayeke bongbi aturugu gbani gbani, me ala yeke ti na gbe ti gbia ti Mbongo.

Zakarii 6:6

Pusu so a kanga avuko mbarata na tere ni ague na mbage ti Banga; pusu so a kanga avuru mbarata na tere ni ague na mbage ti Do; pusu so a kanga ambarata so nzoroko ti bengba ayeke na tere ti ala ague na mbage ti Mbongo.

Aye so Nzapa afa 17:14

Fade ala yeke tiri na Molenge ti Taba, me Molenge ti Taba ayeke hon ndö ti ala, ngbanga ti so lo yeke Kota Gbia ti akota gbia si lo yeke Gbia ti agbia. Lo na azo so lo iri ala, lo soro ala si ala yeke azo ti lo, ala yeke hon ndö ti agbia baleoko so.”