Daniel 10:7 - Mbeti ti Nzapa - Tënë so amu fini

⁷ Mbi Daniel, mbi oko laa mbi baa ye so aga na le ti mbi so. Azo so ayeke na tere ti mbi abaa ni pepe. Me kota mbeto agbu ala si ala kpe, ala honde tere ti ala.

Daniel 10:7 Referans Kwoze

Awatokua 9:7

Azo so ala na Paul ayeke tambula, aluti kpoo, li ti ala kue akpe; ala ma go ni, me ala baa zo oko pepe.

Awatokua 22:9

Azo so ayeke na tere ti mbi abaa lumiere ni, me ala ma go so ayeke tene tënë na mbi so pepe.

Tongo nda ti aye 3:10

Koli ni akiri tënë, atene: “Mbi ma go ti mo na ya ti yaka. Mbeto asara mbi, ngbanga ti so tere ti mbi ayeke senge si mbi honde tere ti mbi.”

Ahebro 12:21

Ye so ala baa so ayeke ye ti mbeto mingi, nilaa Moïse atene: “Mbeto agbu mbi mingi si tere ti mbi ayeke do!”

Ésaïe 2:10

Ala gue, ahonde tere ti ala na popo ti atêne! Ala li na gbe ti sese ti kpe ngonzo ti KOTA GBIA, ti kpe gonda ti lo so ayeke kota ahon ndoni!

Ezekiel 12:18

“Molenge ti zo, fade mo yeke te kobe ti mo na dongo tere, mo yeke nyon ngu ti mo gi na mbeto nga na gingo be.

Jérémie 23:24

Tongana mbeni zo ahonde tere ti lo, mbi lingbi ti baa lo pepe? So tënë ti yanga ti KOTA GBIA laa. Mbi yeke na ndo kue: ataa na yayu wala na sese; ala hinga tongaso pepe? So tënë ti yanga ti KOTA GBIA laa.”