Awayango-sandaga 1:17 - Mbeti ti Nzapa - Tënë so amu fini

¹⁷ Zo ni ayeke suru ya ti ndeke ni use, na popo ti akpangi ti lo, me lo yeke zi akpangi ni pepe. Na pekoni, wayango-sandaga ayeke zö ndeke ni kue na wâ so ayeke na ndö ti gbalaka ni. So ayeke sandaga so a gbi ni kue na wâ titene fion ni anzere na KOTA GBIA.”

Awayango-sandaga 1:17 Referans Kwoze

Tongo nda ti aye 15:10

Abram amu anyama so kue, lo ga na ala. Lo suru ya ti anyama ni use use si lo zia ni mbage na mbage, abaa le ti tere. Ti andeke ni, lo suru ya ti ala pepe.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

Rome 4:25

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

Jean 19:30

Jésus anyon kpingo vin ni si na pekoni, lo tene: “Ye kue ahunzi awe!” Lo ba li ti lo na sese si lo kui.

Matthieu 27:50

Jésus akiri adekongo ngangu si lo kui.

Abia (Psaumes) 16:10

Biani, mo yeke zia mbi na ndo ti akuâ pepe, mo yeke zia mbi, zo ti mo titene mbi fun na ya ti du ti kuâ pepe.

Awayango-sandaga 5:8

Zo ni ayeke mu andeke ni na wayango-sandaga. Kozoni, wayango-sandaga ayeke ya na KOTA GBIA ndeke so zo ni aga na ni ndali ti zingo siokpari na ti lo so. Wayango-sandaga ayeke kungbi go ti ndeke ni, me lo yeke zi li ti ndeke ni zingo daa pepe.

Awayango-sandaga 1:13

Zo ni ayeke sukula ya ti nyama ni na agere ni. Na pekoni, wayango-sandaga ayeke ya ni na KOTA GBIA si lo yeke gbi ni kue na ndö ti gbalaka. So ayeke sandaga so a gbi ni kue na wâ titene fion ni anzere na KOTA GBIA.

Tongo nda ti aye 8:21

KOTA GBIA ama nzoni fion ti sandaga ni, anzere na lo si lo tene na be ti lo, lo tene: “Mbi yeke kiri ti deba sese ndali ti zo pepe. Biani, ti londo na ndembe so zo ade maseka, be ti lo aye ti sara gi ye ti sioni. Tongaso mbi yeke kiri ti buba aye so ayeke na fini so tongana ti so mbi sara so pepe.

Awayango-sandaga 9:13

Amolenge ti lo amu nga na lo nyama so a doroko lo so, nga na li ni si lo zö ni kue na ndö ti gbalaka.

Awayango-sandaga 2:2

Na pekoni, lo gue na sandaga ni na awayango-sandaga, amolenge ti Aaron. Mbeni wayango-sandaga oko ayeke mu mbeni farini asi ya ti maboko ti lo, farini so a tuku mafuta daa si a zia dukani daa so, lo zö ni na ndö ti gbalaka; a iri sandaga ni sandaga ti dango be. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 3:5

Na pekoni, amolenge ti Aaron ayeke zö aye ni kue na ndö ti gbalaka legeoko na sandaga so a yeke gbi ni kue na wâ, asandaga so a zia na ndö ti akeke ti wâ. So ayeke sandaga so a gbi ni kue na wâ titene fion ni anzere na KOTA GBIA.

Awayango-sandaga 6:14

Alingbi ala tuku mafuta na ya ti farini ni, ala gbu ya ni si ala zö ni na ya ti kpangbara sembe. Fade ala yeke fâ ya ni kete kete si ala mu na sandaga na KOTA GBIA titene fion ni anzere na lo.

Awayango-sandaga 8:21

Lo sukula akamba ti ya ti nyama ni na agere ni; lo zö nyama ni kue na ndö ti gbalaka ti mu na sandaga so a yeke gbi ni kue na wâ, alingbi na yanga so KOTA GBIA amu na Moïse; so ayeke sandaga so fion ni anzere na KOTA GBIA.

Wungo ti azo 15:3

na ndembe so ala yeke ya *sandaga na KOTA GBIA, ataa sandaga so a yeke gbi ni kue na wâ, ataa sandaga ndali ti zendo so ala mu, wala sandaga so ala mu na be ti ala wani, wala sandaga so ala yeke mu na lango ti sarango amatanga ti ala, ala yeke soro bagara, ngasa wala taba ndali ti asandaga ni. So laa fion ni ayeke nzere na KOTA GBIA.

Wungo ti azo 28:8

Ti use kete taba ni, ala yeke mu lo na sandaga na KOTA GBIA na lakui. Ala yeke mu gi oko ye so ala mu ndali ti sandaga ti ndaperere so. So ayeke sandaga so fion ni anzere na KOTA GBIA.”