Awayango-sandaga 1:11 - Mbeti ti Nzapa - Tënë so amu fini

¹¹ Zo ni ayeke fâ go ti nyama ni na dawa ti KOTA GBIA, na mbage ti Banga ti gbalaka ni. Tongaso awayango-sandaga, amolenge ti Aaron ayeke fi mene ni na tere ti gbalaka, angoro ni kue.

Awayango-sandaga 1:11 Referans Kwoze

Awayango-sandaga 1:5

Zo ni ayeke fâ go ti nyama ni na dawa ti KOTA GBIA. Awayango-sandaga, amolenge ti Aaron, ayeke ya mene ni na KOTA GBIA. Na pekoni, ala yeke fi mene ni na tere ti gbalaka so ayeke na yanga ti da ti bongo so KOTA GBIA na azo ti lo ayeke wara tere daa; ala yeke fi ni angoro gbalaka ni kue.

Ezekiel 8:5

Nzapa atene na mbi: “Molenge ti zo, mo baa ndo na mbage ti Banga.” Mbi baa ndo na mbage ti Banga ni. Na Banga ti yanga ti gbagba ni, mbeni gbalaka ayeke kâ. Nduru na lege ti lingo ni kâ, mbi baa yanda so ayeke sara si mbanda ti Nzapa alondo.

Awayango-sandaga 7:2

A yeke fâ go ti nyama ni na ndo so a yeke fâ ka go ti anyama so a mu na sandaga so a yeke gbi ni kue na wâ daa; na pekoni, wayango-sandaga ayeke fi mene ni na tere ti gbalaka, angoro ni kue.

Sigingo 40:22

Lo zia meza so a yeke zia mapa na ndö ni na ya ti da ti bongo so Nzapa na azo ti lo ayeke wara tere daa. Lo zia ni na mbage ti Banga ti da ni, na dawa ti ridoo ni.

Sigingo 24:6

Moïse amu ndambo ti mene ti anyama ni, lo zia na ya ti adu ti sembe; tanga ti mene ni, lo fi na ndö ti gbalaka ni.

Awayango-sandaga 4:29

Lo yeke zia maboko ti lo na li ti nyama ni si lo yeke fâ go ti nyama ni na ndo so a yeke fâ ka go ti anyama ti *asandaga so a yeke gbi ni kue na wâ daa.

Awayango-sandaga 8:19

Moïse afâ go ti koli-taba ni, lo fi mene ni na tere ti gbalaka, angoro ni kue.

Awayango-sandaga 14:13

Wayango-sandaga ayeke fâ go ti kete taba ni na ndo so a yeke fâ ka go ti anyama so a yeke mu na sandaga ndali ti siokpari nga na sandaga so a yeke gbi ni kue na wâ; lo yeke fâ go ti nyama ni na ndo so a zia nde. Biani, sandaga ndali ti lekengo tënë na sandaga ndali ti siokpari ayeke ga ti wayango-sandaga; so ayeke ye so ayeke nde si ayeke nzoni kue ahon atanga ni.

Ezekiel 43:18

Koli ni atene na mbi: “*Molenge ti zo, tënë so Kota Gbia NZAPA atene ayeke so: Lango so ala yeke sara ande gbalaka titene ala mu *sandaga so a yeke gbi ni kue na wâ na ndö ni si ala yeke fi mene ti anyama na tere ni, ndia ni ayeke tongaso: