Awayango-sandaga 1:10 - Mbeti ti Nzapa - Tënë so amu fini

¹⁰ “Tongana zo ni aye ti mu taba wala ngasa na sandaga so a yeke gbi ni kue na wâ, alingbi lo soro na popo ti ataba wala angasa mbeni koli-taba, wala koli-ngasa so mbeni mbage ti tere ti lo abuba pepe.

Awayango-sandaga 1:10 Referans Kwoze

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Malashii 1:14

Deba aga na ndö ti zo ti mayere so lo yeke na nzoni koli-nyama na popo ti anyama ti lo! Lo mu fade yanga ti mu nzoni nyama ni na mbi na sandaga, me na pekoni, lo mu gi nyama so mbeni mbage ti tere ti lo abuba awe. Biani, mbi yeke kota gbia so amara nde ayeke kpe mbeto ti mbi. Tënë so KOTA GBIA so ayeke na ndö ti dunia kue atene laa.”

Awayango-sandaga 22:19

alingbi lo mu na popo ti anyama ti lo koli-bagara, koli-taba wala koli-ngasa so mbeni mbage ti tere ti lo abuba pepe, lo ga na ni si mbi yeda na lo.

Awayango-sandaga 4:23

Tongana a fa na lo siokpari ti lo ni, alingbi lo mu koli-ngasa so mbeni mbage ti tere ti lo abuba pepe.

Sigingo 12:5

Ala yeke soro kete koli-taba wala kete koli-ngasa ti ngu oko so mbeni mbage ti tere ti lo abuba pepe.

Tongo nda ti aye 8:20

Noe aleke mbeni gbalaka ndali ti KOTA GBIA. Na popo ti anyama so kue ayeke *nzoni, na andeke so kue ayeke *nzoni, lo mu oko na ya ti mara oko oko ti mu na *sandaga so a yeke gbi ni kue na wâ na KOTA GBIA na ndö ti gbalaka ni.

Tongo nda ti aye 4:4

Abel nga aga na akozo molenge ti anyama ti lo so ayeke na mafuta mingi, lo mu na sandaga na KOTA GBIA. KOTA GBIA ayamba Abel na sandaga ti lo na ngia.

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.

Wungo ti azo 15:5

lo yeke ga nga na sandaga ti samba; lo yeke mu litere oko na ndambo ti vin ndali ti sandaga so a yeke gbi ni kue na wâ wala sandaga ti beoko. Aye so kue, lo yeke mu ni ndali ti kete taba oko.

Ezekiel 43:22

Na use lango ni, mo yeke mu koli-ngasa so mbeni mbage ti tere ti lo abuba pepe ti mu na sandaga ti sukula *sioni ti gbalaka ni tongana ti so mo sara na koli-bagara so.

Awayango-sandaga 3:1

“Tongana mbeni zo aye ti mu bagara na *sandaga ti beoko, alingbi lo mu koli-bagara wala mama ti bagara so mbeni mbage ti tere ti lo abuba pepe si lo ga na ni na dawa ti KOTA GBIA.

Awayango-sandaga 4:3

“Tongana kota wayango-sandaga laa asara siokpari si ndali ti siokpari ti lo tënë aga na li ti azo, alingbi lo ya na KOTA GBIA *sandaga ti koli-bagara so mbeni mbage ti tere ti lo abuba pepe ndali ti zingo siokpari na li ti lo.

Awayango-sandaga 5:15

“Tongana mbeni zo asara ye so ayeke sioni mingi ti ke ye so alingbi fade ti mu na *sandaga na KOTA GBIA, me lo sara ni na mbana ti be ti lo pepe, ye so lo lingbi ti sara na KOTA GBIA ti leke na tënë ti lo ayeke so: lo yeke ga na koli-taba so mbeni mbage ti tere ti lo abuba pepe, so ngere ti lo alingbi na ngere ti taba so a yeke mu ka na ndo so a zia nde ndali ti Nzapa.

Awayango-sandaga 9:2

Lo tene na Aaron: “Mu mbeni kete bagara so mo yeke ya na *sandaga ndali ti zingo siokpari na li ti azo; mo mu nga mbeni koli-taba ti ya na sandaga so a yeke gbi ni kue na wâ. Alingbi anyama ni use kue, mbeni mbage ti tere ti ala abuba pepe. Fade mo yeke ya ala na KOTA GBIA.

Awayango-sandaga 14:10

“Na lango miombe ni, lo yeke mu akete taba use so mbeni mbage ti tere ti ala abuba pepe, kete wali-taba ti ngu oko so mbeni mbage ti tere ti lo abuba pepe, *sandaga ti kilo gumbaya ti farini so a bongbi na mafuta si a gbu ya ni nga na ndambo ti litere ti mafuta.

Awayango-sandaga 16:3

“Titene Aaron ali na ya ti da so ayeke nde si ayeke nzoni kue, alingbi lo mu aye tongaso: koli-bagara oko ndali ti *sandaga ti zingo siokpari na li ti lo nga na koli-taba oko ndali ti sandaga so ayeke gbi ni kue na wâ.

Awayango-sandaga 16:5

Alingbi bongbi ti azo ti Israel amu na lo akoli-ngasa use ndali ti sandaga ti zingo siokpari na li ti ala; ala mu nga na lo koli-taba oko ndali ti sandaga so a yeke gbi ni kue na wâ.

Awayango-sandaga 23:12

Gi na oko lango so ala yeke ya na mbi gba ti le ti kobe ni, ala yeke ya nga na mbi *sandaga so a yeke gbi ni kue na wâ mbeni molenge ti taba ti ngu oko, lo so mbeni mbage ti tere ti lo abuba pepe.

Wungo ti azo 6:14

Lo yeke ga na anyama ti mu na sandaga na KOTA GBIA: kete koli-taba ti ngu oko so mbeni mbage ti tere ti lo abuba pepe ndali ti sandaga so a yeke gbi ni kue na wâ, kete wali-taba ti ngu oko ti mu na sandaga titene Nzapa azi siokpari na li ti lo, lo yeke ga nga na koli-taba oko ti mu na sandaga ti beoko.

Wungo ti azo 19:2

Atënë ti ndia so KOTA GBIA amu ndali ti ala laa: “Mu yanga na azo ti Israel ti ga na mbeni bengba bagara so mbage ti tere ti lo abuba pepe, nyama ni so ade ti yo *zuge nga laoko pepe.