Awatokua 9:1 - Mbeti ti Nzapa - Tënë so amu fini

¹ Nzara ti sarango sioni na adisiple ti *Kota Gbia angba lakue na be ti Saul si lo yeke gi lege ti fâ ala. Tongaso, lo gue, lo baa kota wayango-sandaga,

Awatokua 9:1 Referans Kwoze

Awatokua 8:3

Andaa Saul angba ti lo lakue ti buba *Eglize. Lo yeke li na ya ti ada ti gbu akoli na awali si lo yeke bi ala na da ti kanga.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

Galasii 1:13

Biani, a-ita, ala ma tënë ti sarango ye ti mbi na ndembe so mbi yeke voro ando Nzapa tongana ti azuife. Ala hinga so mbi sara ando ngangu mingi na *Eglize ti Nzapa si mbi ye nga ti buba Eglize ni biani.

1 Korente 15:9

Biani, mbi yeke kete ahon awatokua kue; mbi lingbi nga titene a iri mbi watokua pepe, ngbanga ti so mbi sara ngangu na azo ti *Eglize ti Nzapa.

Awatokua 7:58

Ala gboto lo, asigigi na lo na ya ti gbata ni si ala bo lo na têne. Azo so abi tënë na li ti Étienne na le ti ngbanga so, ala zia abongo ti ala kue na tere ti mbeni maseka-koli so iri ti lo Saul.

Filipe 3:6

Na lege ti sarango kua ti Nzapa, mbi mu ando be ti mbi kue daa si mbi sara pasi na azo ti *Eglize mingi. Na lege ti batango ndia ti ga mbirimbiri na legeni, zo ayeke wara mbeni tënë ti bi na li ti mbi pepe.

Abia (Psaumes) 27:12

Azo so ayeke na nzara ti sara sioni na mbi, mo zia mbi, mbi ti na maboko ti ala pepe. Biani, azo alondo ti bi tënë ti mvene na li ti mbi, ala diko sioni tënë na tere ti mbi.