Awatokua 8:35 - Mbeti ti Nzapa - Tënë so amu fini

³⁵ Philippe amu tënë; na ndö ti kamba ti mbeti ti Ésaïe so, lo to nda ti fa Nzoni Tënë ti Jésus na lo.

Awatokua 8:35 Referans Kwoze

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Awatokua 18:28

Lo tene tënë nzoni mingi na le ti azo kue, asara si tënë ahunzi na yanga ti azuife. Na lege ti tënë ti Nzapa, lo fa na azo so Jésus ayeke *Mesii biani.

1 Korente 2:2

Biani, so mbi yeke na popo ti ala, mbi ye ti hinga mbeni ye nde pepe, gi Jésus Christ oko, Jésus Christ so a fâ lo na ndö ti keke ti kroa.

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Matthieu 5:2

si lo to nda ti fango ye na ala, lo tene:

Awatokua 5:42

Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Efeze 4:21

Mbi hinga biani so ala ma atënë kue na ndö ti lo si ndali ti so ala yeke azo ti lo, a fa na ala taa-tënë so ayeke na Jésus.

2 Korente 6:11

A-ita azo ti Korente, e tene tënë na ala polele awe, e zi be ti e kue na ala.

1 Korente 1:23

Me ti e, e yeke fa tënë ti Christ so a fâ lo na ndö ti keke ti kroa. Na le ti azuife, tënë ni ayeke tongana mbeni ye so azo ayeke pika gere ti ala daa ti ti, na le ti agreke, tënë ni ayeke buba tënë.

Awatokua 19:13

Ambeni zuife so ayeke fono na ya ti akodro nde nde ti tumba asioni yingo amu nga iri ti Jésus ti tumba na asioni yingo na tere ti azo. Ala yeke tene na asioni yingo, ni atene: “Na iri ti Jésus so Paul ayeke fa tënë ti lo, mbi mu yanga na ala, ala sigigi!”

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 10:34

Tongaso Pierre amu tënë si lo tene: “Taa-tënë, mbi hinga fadeso mbi tene, Nzapa ayeke gonda zo ndali ti le ti zo ni pepe.

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Awatokua 3:20

Tongaso fade *Kota Gbia ayeke mu na ala mbeni ngoi titene yingo ti ala awara ngangu. Lo yeke tokua Jésus na ala, lo so lo yeke Christ so a soro lo kozoni ndali ti ala.

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 8:34

Mbaiwa ni ahunda Philippe, atene: “Mbi gbu gere ti mo, tene na mbi: zo wa laa wayanga-Nzapa ni ayeke tene tënë ti lo so? Lo tene tënë ni na ndö ti lo wani wala na ndö ti mbeni zo nde?”