Awatokua 7:47 - Mbeti ti Nzapa - Tënë so amu fini

⁴⁷ Me Salomon laa asara da ni ndali ti Nzapa.

Awatokua 7:47 Referans Kwoze

1 Agbia 8:20

Salomon akiri atene: “Tënë so KOTA GBIA atene lani so, lo sara ye alingbi na ni awe: mbi ga gbia na peko ti babâ ti mbi David, mbi duti na ndö ti mbata ti gbia ti Israel, alingbi na tënë so KOTA GBIA atene lani, nilaa mbi sara kota da so ndali ti KOTA GBIA, Nzapa ti Israel.

2 Samuel 7:13

Lo laa lo yeke sara da ndali ti mbi; mbi yeke sara titene lengo-gbia ti lo akpengba kpu na kpu.

2 Mbai 3:1

Salomon ato nda ti sara kota da ti *KOTA GBIA na Jérusalem, na ndö ti hoto ti Moria. Kâ laa KOTA GBIA afa tere ti lo lani na babâ ti lo David; kâ laa David aleke mbeni ndo ndali ni na ndö ti lakere ti Ornan, zo ti mara ti Yebus.

1 Mbai 17:1

So David aduti na yangbo ti lo awe, lo tene na wayanga-Nzapa Natan: “Baa, mbi yeke lango ti mbi na ya ti da so a sara ni na keke ti sedre, me sanduku ti *mbuki ti *KOTA GBIA ayeke lango na gbe ti da ti bongo.”

1 Agbia 5:1

Salomon asara komandema na ndö ti akodro-gbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte. Agbia ti akodro so kue ayeke na gbe ti Salomon, ala yeke futa alapo na lo na ngoi so kue lo ngba na fini.

1 Agbia 6:1

Salomon ato nda ti sara kota da ti *KOTA GBIA na ngu ngbangbo osio na balemiombe na peko ti so azo ti Israel asigigi na sese ti Ezipte. Na ngoi so Salomon ato nda ti akua ni so, andaa lo to nda ti le-gbia na Israel asara ngu osio awe. Akua ti sarango kota da ni ato nda ni na nze ti Ziv, so ti tene na use nze ti ngu ni.