Awatokua 7:46 - Mbeti ti Nzapa - Tënë so amu fini

⁴⁶ Nzapa asara nzoni be na David si David ahunda na lo titene lo yeda si ni sara mbeni da ndali ti Nzapa ti Jacob.

Awatokua 7:46 Referans Kwoze

Awatokua 13:22

So Nzapa azi lo awe, lo mu David, lo zia lo gbia na ndö ti ala. Nzapa atene tënë ti lo, atene: ‘Mbi wara David, molenge ti Yese, zo so be ti mbi aye lo, fade lo yeke sara aye so kue be ti mbi aye.’

2 Samuel 6:21

David akiri tënë na Mikal: “Na dawa ti KOTA GBIA laa mbi sara ye tongaso. Lo soro mbi si lo ye mbi ahon babâ ti mo na asewa ti mo kue; lo zia mbi kota zo na ndö ti azo ti Israel, azo ti lo. Na dawa ti KOTA GBIA laa mbi yeke ngba ti sara ngia.

1 Samuel 16:1

*KOTA GBIA atene na Samuel: “Fade mo yeke ngba ti sara mawa ndali ti Saul ngbii asi lawa? Mbi ke lo awe; lo yeke ngba gbia ti Israel mbeni pepe. Mo tuku mafuta na ya ti didi ti mo, mo londo mo gue. Mbi yeke tokua mo na ndo ti Yese, zo ti Betlehem, ngbanga ti so mbi soro mbeni molenge ti lo oko titene lo ga gbia.”

Abia (Psaumes) 132:11

KOTA GBIA adeba yanga ti lo na David, lo tene taa-tënë, lo yeke kiri ti tene mbeni tënë nde pepe: “Mbeni molenge ti mo laa mbi yeke zia lo na ndö ti mbata ti mo ti gbia.

1 Samuel 15:28

Samuel atene na lo: “Lege so laa KOTA GBIA azi lengo-gbia na maboko ti mo laso na ndö ti Israel; lo mu ni na mbeni zo nde so ayeke nzoni ahon mo.

1 Samuel 13:14

Me fadeso, lengo-gbia ti mo ayeke ninga pepe. KOTA GBIA asoro mbeni zo so be ti lo wani aye; lo zia lo ti duti makonzi na ndö ti azo ti lo, ngbanga ti so yanga so lo mu na mo, mo sara ye alingbi na ni pepe.”