Awatokua 7:42 - Mbeti ti Nzapa - Tënë so amu fini

⁴² Nilaa Nzapa azia ala titene ala voro atongoro ti yayu, tongana ti so a tene tënë ni na ya ti mbeti ti awayanga-Nzapa, atene: ‘Ala azo ti Israel, anyama so ala fâ nga na sandaga so ala mu na ya ti ngu baleosio so ala sara na benyama so, ala ga na ni na mbi?

Awatokua 7:42 Referans Kwoze

Ezekiel 20:39

Ti ala, azo ti Israel, tënë so mbi Kota Gbia NZAPA, mbi tene ayeke so: Ayeke nzoni zo oko oko ague, avoro ayanda ti lo ma! Me na pekoni, e yeke baa wala ala yeke ngba ti ke yanga ti mbi. Tongaso, iri ti mbi so ayeke nde si ayeke nzoni kue, ala yeke kiri ti sara si aga sioni pepe na lege ti amatabisi ti ala nga na lege ti vorongo ayanda ti ala.

Jérémie 19:13

Mbi yeke sara si ada ti azo ti Jérusalem na ada ti agbia ti Juda aga *sioni tongana ndo so ayeke na Tofet. Biani, na li ti ada so kue, azo azö dukani ndali ti gba ti atongoro, ala tuku samba ti mu na sandaga na anzapa nde.”

Ndia ti fani use ni 4:19

Tongana ala yo le ti ala na nduzu ti baa lâ, nze, atongoro, na aye so kue ayeke mingi mingi na le ti nduzu, mbeni ye ahanda ala pepe ti kuku na gbe ti aye ni, ala voro ala nga pepe. KOTA GBIA Nzapa ti ala azia aye ni so na tanga ti amara ti ndö ti sese so.

Ésaïe 63:10

Me ala tomboka na tere ti lo, ala sara si yingo ti lo so ayeke nde si ayeke nzoni kue awara vundu. Tongaso lo kiri lo ga wato ti ala si lo wani, lo tiri bira na ala.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Osée 4:17

Azo ti Efraim abongbi na ayanda; zia ala!

Ezekiel 8:16

Lo mu mbi, lo gue na mbi na ya ti gbagba ti kota da ti lo. Na yanga ti ndo so ayeke nde si ayeke nzoni kue, ambeni koli so li ti ala nduru na baleuse na oku aluti na popo ti ya ti gbagba ni na gbalaka. Ala zia peko ti ala na ndo so ayeke nde si ayeke nzoni kue so si ala yeke baa ndo na mbage so lâ ayeke londo daa. Ala yeke kuku akpo li ti ala na sese ti voro lâ.

Ésaïe 66:4

Mbi nga, mbi soro ti zia ala titene ala baa pasi ndali ti mbana ti ala. Mbi yeke sara titene ye so ala yeke sara mbeto ni aga na ndö ti ala. Biani, mbi iri ndo, me zo oko ayeda pepe; mbi tene tënë, me ala ma pepe. Ala sara ye so ayeke sioni na le ti mbi, ala soro ti sara ye so anzere na be ti mbi pepe.”

Josué 24:20

Tongana ala zia KOTA GBIA ti sara kua na ambeni nzapa nde, fade lo yeke kiri na ndö ti ala ti sara sioni na ala, lo yeke fâ ala ti hunzi ala na peko ti nzoni so lo sara na ala.”

Ezekiel 20:25

Mbi nga laa mbi mu na ala andia so ayeke nzoni pepe nga na lege ti asarango ye so mbi fa si ayeke sara titene zo aduti na fini pepe.

Abia (Psaumes) 95:10

Na ya ti ngu baleosio, azo ti ngoi ni so asara ye so aso be ti mbi, nilaa mbi tene: ‘Li ti azo so ague kirikiri awe, lege so mbi ye ala mu, ala hinga ni pepe.’

2 Agbia 21:3

Ando so azo aleke na ndö ti ahoto ti voro anzapa nde daa, babâ ti lo Ezekias azi ni kue; me Manase akiri aleke ni. Lo sara agbalaka ndali ti *Baal, lo leke mbeni keke aluti na nduzu ndali ti nzapa-wali *Ashera tongana ti so Akab, gbia ti Israel asara ando. Manase akuku na gbe ti aye mingi mingi so ayeke na le ti nduzu si lo sara na ala.

2 Agbia 17:16

Ala zia lege ti atënë kue ti yanga ti KOTA GBIA, Nzapa ti ala, ala mu wen akporo ni si ala leke na ayanda use ti bagara, ala leke mbeni keke aluti na nduzu ndali ti nzapa-wali Ashera. Ala voro aye so kue ayeke na le ti nduzu si ala sara na nzapa *Baal.

Ndia ti fani use ni 17:3

lo mu peko ti ambeni nzapa nde, lo kuku na gbe ti ala ti voro ala. Ataa lâ, wala nze na aye so ayeke mingi mingi na le ti nduzu, zo ni akuku na gbe ti ala ti voro ala. Laoko KOTA GBIA amu yanga na ala ti sara ye tongaso pepe!

Ésaïe 43:23

Ataba ti mo so a yeke gbi ni kue na wâ na *sandaga so, mo ga na ni na mbi pepe, mo mu ni ti gonda na mbi pepe. Mbi gbu mo na ngangu pepe ti ga ngbaa na mungo na mbi asandaga, wala mbi so li ti mo pepe ti zö na mbi dukani.

Ahebro 3:9

Kâ, akotara ti ala agi yanga ti mbi, ala tara be ti mbi si ala baa aye so mbi sara

Jérémie 8:2

A yeke gbara abio ni na gbe ti lâ, na gbe ti nze nga na gbe ti gba ti atongoro. Aye le ti nduzu ni so, azo aye ala ando mingi; azo ni ayeke sara kua na ala, ala mu tere ti ala na ala, ala yeke kpe na peko ti ala; ala yeke voro ala. Abio ni so, a yeke ro ni pepe; a yeke lu nga ni pepe. Fade alango na ndö ti sese ti ga tongana puru na ndö ti sese.

Jean 6:45

Awayanga-Nzapa asu na mbeti, atene: ‘Fade Nzapa ayeke fa ye na azo kue.’ Zo so ama tënë ti Babâ si lo yeda ti manda ye so Babâ afa na lo, zo tongaso laa ayeke ga na mbi;

Awatokua 13:40

Ala sara hange si ye so awayanga-Nzapa atene tënë ni ando so asi na ala pepe. Ala tene: