Awatokua 7:35 - Mbeti ti Nzapa - Tënë so amu fini

³⁵ “Moïse so azo ti Israel ake lo si ala hunda ando lo, atene: ‘Zo wa laa azia mo makonzi ti fâ ngbanga na popo ti e?’, lo laa Nzapa atokua lo tongana makonzi na ndö ti azo ni ti zi ala na gbe ti ngbaa, na lege ti *ange so asi na lo na ya ti wâ so ayeke za na ya ti kete keke.

Awatokua 7:35 Referans Kwoze

Nzoni Tënë so Luc asu na mbeti 19:14

Me amba ti lo azo ti kodro ni aye tënë ti lo pepe. Nilaa ala tokua ambeni zo na peko ti lo titene ala gue, atene: ‘E ye si koli so ale-gbia na ndö ti e pepe.’

Abia (Psaumes) 75:7

Ye so asara si zo aga kota alondo na To wala na Do pepe, ye so asara si zo aga kota alondo nga na benyama pepe,

Wungo ti azo 20:16

E dekongo na *KOTA GBIA, lo ma e si lo tokua mbeni *ange ti lo ti sigigi na e na Ezipte. E yeke fadeso na Kades, gbata so ayeke na katikati ti sese ti mo.

Sigingo 14:19

*Ange ti Nzapa so ayeke tambula na dawa ti azo ti Israel so akiri ague, aluti na peko ti ala. Ngbongboro mbinda so ayeke tambula na dawa ti ala so akiri ague, aluti na peko ti ala.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!

Ahebro 2:2

Tënë so Nzapa afa ando na lege ti *a-ange, aga taa-tënë. Azo so kue ake tënë ni, wala ala so aye ti ma ni pepe, Nzapa afâ ngbanga na li ti ala alingbi mbirimbiri na ye so ala sara.

Kolose 1:15

Christ ayeke limo ti Nzapa so zo ade ti baa lo pepe; lo yeke kozo Molenge, lo yeke na li ti aye so kue Nzapa asara.

Awatokua 7:51

“Ala azo ti ngangu li, ala so a fâ be ti ala na mê ti ala na ganza pepe so, lakue ala yeke ke tënë ti Yingo-Vuru! Ala yeke tongana akotara ti ala!

Awatokua 7:30

“Ngu baleosio na pekoni, na ya ti benyama, nduru na hoto ti Sinai, mbeni *ange asi na Moïse na ya ti mbeni wâ so ayeke za na ya ti kete keke ti ki.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Awatokua 3:22

Moïse atene ando atene: ‘Fade Nzapa, Kota Gbia ti ala ayeke tokua mbeni wayanga ti lo na ala tongana ti so lo tokua mbi; wayanga-Nzapa ni ayeke mbeni zo ti kodro ti ala wani. Alingbi ala sara ye so kue lo yeke tene na ala.

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Jean 19:15

Ala kiri adekongo, atene: “Fâ lo! Fâ lo! Fâ lo na ndö ti keke ti kroa!” Pilate ahunda ala, atene: “Ala ye mbi fâ gbia ti ala na ndö ti keke ti kroa?” Akota wayango-sandaga akiri tënë, atene: “E yeke na mbeni gbia nde pepe, gi kota gbia ti Rome oko!”

Jean 18:40

Azo ni ato nda ti dekongo, atene: “Ên-en, lo pepe! Me Barabas!” Andaa Barabas ayeke mbeni sioni zo.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

1 Samuel 12:8

So Jacob asi lani na Ezipte, akotara ti ala atoto na KOTA GBIA. KOTA GBIA atokua Moïse na Aaron ti sara si akotara ti ala asigigi na sese ti Ezipte, ti zia ala na ya ti kodro so.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.

Sigingo 33:2

Fade mbi yeke tokua *ange ti mbi na dawa ti ala. Mbi yeke tumba azo ti Kanaan, azo ti mara ti Amori, ti Het, ti Perizi, ti Hivi nga na azo ti mara ti Yebus.

Sigingo 32:34

Fadeso mo gue; mo mu azo ni, mo gue na ala na ndo so mbi tene tënë ni na mo so. Fade *ange ti mbi ayeke tambula na dawa ti mo. Me na lango so mbi yeke ga na tere ti ala, mbi yeke fâ ngbanga na li ti ala ndali ti siokpari ti ala.”

Sigingo 14:24

Na yanga ti ndaperere, KOTA GBIA so ayeke na ya ti ngbongboro wâ nga na ya ti ngbongboro mbinda abaa ndo na mbage ti aturugu ti Ezipte, lo sara si ye aga kirikiri na popo ti ala.

Sigingo 2:14

Lo kiri tënë na Moïse, lo tene: “Zo wa laa azia mo makonzi titene mo fâ ngbanga na popo ti e, zo wa? Mo ye ti fâ mbi tongana ti so mo fâ zo ti Ezipte so?” Tongaso mbeto agbu Moïse si lo tene: “Azo ahinga tënë ti ye so mbi sara so awe!”

Marc 12:26

Âdu ti tënë ti zingongo ti akuâ, ala asadusien, ala diko tënë ni na ya ti buku so Moïse asu so pepe? So lani lo ma go ti Nzapa na ya ti kete keke ti ki, atene: ‘Mbi yeke Nzapa ti Abraham, Nzapa ti Isaac na Nzapa ti Jacob!’