Awatokua 5:42 - Mbeti ti Nzapa - Tënë so amu fini

⁴² Na ya ti lango oko oko, na ya ti kota da ti Nzapa nga na ya ti ada ti azo, ala yeke fa ye na azo, ala yeke fa Nzoni Tënë ti Jésus so ayeke *Mesii.

Awatokua 5:42 Referans Kwoze

Awatokua 2:46

Na ya ti lango oko oko, na beoko, ala yeke bongbi na ya ti kota da ti Nzapa, ala yeke te kobe na ndo oko na ya ti ada ti ala, ala yeke te ni na ngia na nzoni be.

Awatokua 20:20

Mbeni ye so alingbi ti sara nzoni na ala, ala hinga so mbi honde ni na ala oko pepe: mbi fa tënë kue si mbi fa nda ti ye kue na ala na le ti azo kue nga na ya ti ada.

2 Timothée 4:2

mo fa tënë ti Nzapa na azo, wala ndembe ni laa wala ndembe ni laa pepe, mo ngba gi daa. Mo fa sioni ti azo na le ti ala, mo suku na ala, mo mu wango na ala; be ti mo awoko na lege ni pepe, mo ngba na nzara ti fango ye na ala.

Awatokua 8:35

Philippe amu tënë; na ndö ti kamba ti mbeti ti Ésaïe so, lo to nda ti fa Nzoni Tënë ti Jésus na lo.

Nzoni Tënë so Luc asu na mbeti 21:37

Na kota lâ, Jésus ayeke fa ye na azo na ya ti kota da ti Nzapa; me na lakui, lo yeke gue ti lango na ndö ti hoto so a iri ni hoto ti a-olive.

Awatokua 17:3

lo fa nda ni na ala si lo fa nga na azo ni, lo tene: “Alingbi *Mesii abaa pasi, lo zingo na kuâ. Jésus so mbi yeke fa tënë ti lo so, lo laa lo yeke Mesii ni.”

Awatokua 9:20

Gi hio na pekoni, lo gue na ya ti ada ti sambelango Nzapa si lo to nda ti fa tënë atene, Jésus ayeke Molenge ti Nzapa.

Awatokua 4:29

Fadeso, Kota Gbia, mo ma atënë so ala tene ti zia mbeto na be ti e. Mo mu na e ngangu ti fa tënë ti mo na mbeto pepe.

Galasii 6:14

Ti mbi, mbi ye ti gonda tere ti mbi gi ndali ti keke ti kroa ti *Kota Gbia ti e Jésus Christ. Na lege ti keke ti kroa ni, aye ti dunia so aga tongana ye so akui awe ndali ti mbi si mbi nga, mbi kui awe ndali ti aye ti dunia so.

1 Korente 2:2

Biani, so mbi yeke na popo ti ala, mbi ye ti hinga mbeni ye nde pepe, gi Jésus Christ oko, Jésus Christ so a fâ lo na ndö ti keke ti kroa.

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 11:20

Ti ambeni so ayeke azo ti Shipre na ti Sirene, ala gue na Antioshe si ala fa nga na agreke Nzoni Tënë ti *Kota Gbia Jésus.

Awatokua 8:5

Philippe ague na ya ti mbeni gbata ti Samarii si lo fa tënë ti Christ kâ.

Awatokua 4:20

Ti e, ye so e baa si e ma awe so, e lingbi ti kanga yanga ti e na ndö ni pepe.”

Nzoni Tënë so Luc asu na mbeti 22:53

Lakue mbi yeke na popo ti ala na ya ti kota da ti Nzapa, me ala gbu mbi pepe. Biani, so ayeke ngbonga ti ala si ayeke nga ngbonga ti komandema ti vukongo ndo.”

2 Samuel 6:22

Mbi ye ti kiri kete, mbi ye ti sara tere ti mbi kete na le ti mbi wani ahon ti so. Ti awali ti kua so mo tene tënë ti ala so, ala laa ayeke gonda mbi.”

Awatokua 13:32

E nga, e yeke fa na ala Nzoni Tënë so: Nzoni Tënë so Nzapa amu zendo ni na akotara ti e.

Galasii 1:16

ti fa Molenge ti lo na mbi titene mbi hinga lo si mbi fa Nzoni Tënë ti lo na azo ti amara nde, mbi hunda wango na mbeni zo pepe.