Awatokua 5:34 - Mbeti ti Nzapa - Tënë so amu fini

³⁴ Me mbeni *farizien ayeke na popo ti azo ti fango ngbanga ni, iri ti lo Gamaliel. Lo yeke wafango-ndia si azo kue aye tënë ti lo mingi. Lo londo si lo hunda titene a sigigi na awatokua ni kete si.

Awatokua 5:34 Referans Kwoze

Awatokua 22:3

“Mbi yeke zuife, a du mbi na Tarse, na sese ti Silisii, me mbi kono ge na Jérusalem na gbe ti wafango-ye Gamaliel. Mbi manda ti bata lege ti ndia ti akotara ti e mbirimbiri si nzara ti mbi kue ayeke ti sara kua ti Nzapa tongana ti so ala kue ayeke sara ni laso.

Nzoni Tënë so Luc asu na mbeti 2:46

Na lango ota ni, ala wara lo na ya ti kota da ti Nzapa; lo duti na popo ti awafango-ye, lo yeke ma ala si lo yeke hunda nga ala na atënë.

Nzoni Tënë so Luc asu na mbeti 5:17

Mbeni lâ, Jésus ayeke fa ye na azo. *Afarizien na awafango-ndia ayeke na popo ti azo ni; ala londo na ya ti akodro ti Galile na ti Judée nga na Jérusalem si ala ga. Ngangu ti *Kota Gbia ayeke na Jésus si lo yeke kai akobela na tere ti azo.

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Awatokua 4:15

Tongaso azo ni amu yanga titene a sigigi na ala na ya ti *Kota Bongbi ti Fango Ngbanga ni. Na pekoni, azo ni ato nda ti leke tënë na popo ti ala,

Jérémie 26:16

Tongaso, agbenyogbia ni na azo ni kue atene na awayango-sandaga nga na awayanga-Nzapa, atene: “Koli so alingbi na kuâ pepe! Biani, na iri ti KOTA GBIA Nzapa ti e laa lo tene tënë na e.”

Jérémie 26:17

Na pekoni, ambeni *kangba ti kodro ni alondo; ala tene na azo so kue abongbi so, atene:

Jérémie 36:25

Andaa Elnatan, Delaya na Gemaria avoro tere ti ala fade na gbia titene lo gbi rulo ni pepe; me lo ma ala pepe.

Jean 3:10

Jésus akiri tënë na lo, atene: “Mo so azo ahinga mo tongana wafango-ye na Israel so, mo hinga aye so pepe?

Awatokua 5:21

Awatokua ama yanga ti ange so: na ndaperere, ala gue, ali na ya ti kota da ti Nzapa si ala to nda ti fa ye na azo. Kota wayango-sandaga na azo ti tere ti lo airi *akangba ti azuife si ala bongbi, ala na azo ti *Kota Bongbi ti Fango Ngbanga kue. Na pekoni, ala tokua titene a mu awatokua, a ga na ala na gbe ti ala.

Awatokua 5:27

So ala ga na awatokua ni, ala zia ala aluti na dawa ti azo ti *Kota Bongbi ti Fango Ngbanga. Kota wayango-sandaga ahunda ala, atene:

Awatokua 5:35

Na pekoni, lo tene na azo ti fango ngbanga ni, lo tene: “Azo ti Israel, ala sara hange na ye so ala yeke sara na akoli so!