Awatokua 5:16 - Mbeti ti Nzapa - Tënë so amu fini

¹⁶ Gba ti azo alondo na akodro so ayeke na tere ti Jérusalem, aga na azo ti kobela nga na azo so asioni yingo asara ala; ala kue tere ti ala aga nzoni.

Awatokua 5:16 Referans Kwoze

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

Awatokua 4:30

Fa ngangu ti mo, tongaso si na iri ti Jésus, zo ti kua ti mo so ayeke nde si ayeke nzoni kue, kobela ti azo akai si aye ti kpene na aye ti dongo be aduti daa.”

Jean 14:12

Biani, mbi tene na ala taa-tënë: zo so ama na be na mbi, lo nga, fade lo yeke sara aye so mbi sara; lo yeke sara akota ye ahon so, ngbanga ti so mbi yeke gue na Babâ.

Nzoni Tënë so Luc asu na mbeti 9:11

Gba ti azo ama tënë ni si ala mu peko ti lo. Jésus ayamba ala, lo fa tënë ti kodro-gbia ti Nzapa na ala si lo kai kobela ti ala so tere ti ala ayeke so.

Nzoni Tënë so Luc asu na mbeti 5:17

Mbeni lâ, Jésus ayeke fa ye na azo. *Afarizien na awafango-ndia ayeke na popo ti azo ni; ala londo na ya ti akodro ti Galile na ti Judée nga na Jérusalem si ala ga. Ngangu ti *Kota Gbia ayeke na Jésus si lo yeke kai akobela na tere ti azo.

Matthieu 8:16

So lâ akui awe, azo aga na gba ti azo so ayeke na asioni yingo na Jésus. Gi na lege ti tënë ti yanga ti lo, Jésus atumba asioni yingo ni si lo kai kobela na tere ti azo so kue tere ti ala aso.

Matthieu 4:24

Sango ti Jésus amu ya ti sese ti Sirii kue. Nilaa azo aga na lo azo so tere ti ala aso, ala so ayeke na akobela nde nde si ala yeke na siriri pepe: ala so ayeke na asioni yingo, ala so ayeke na kobela ti makako nga na ala so mbage ti tere ti ala abuba. Jésus akai kobela na tere ti ala kue.

1 Korente 12:9

gi oko Yingo so ayeke mu na mbeni zo matabisi ti mabe; gi oko Yingo so ayeke mu na mbeni zo matabisi ti kaingo kobela;

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Awatokua 5:15

Azo ayeke sigigi na azo ti kobela na tere ti akota lege, ala zia azo ni na ndö ti agbogbo wala akelekpa titene tongana Pierre ayeke hon, gbe-de ti lo ahon na ndö ti ambeni na popo ti ala.

Awatokua 5:17

Tongaso, kota wayango-sandaga na azo ti tere ti lo, so ti tene azo ti bongbi ti *asadusien, kota be asara ala na tere ti *awatokua si ala ye ti sara mbeni ye.

Nzoni Tënë so Luc asu na mbeti 6:18

Ala ga ti ma tënë ti Jésus, ala ga nga titene lo kai kobela ti ala. Ala so asioni yingo ayeke sara pasi na ala, tere ti ala nga aga nzoni.