Awatokua 5:13 - Mbeti ti Nzapa - Tënë so amu fini

¹³ Mbeni zo nde ti bongbi na ala ayeke daa pepe, me azo ni ayeke tene nzoni tënë ti ala mingi.

Awatokua 5:13 Referans Kwoze

Awatokua 2:47

Ala yeke sepela Nzapa si azo kue aye ala. Na ya ti lango oko oko, Nzapa ayeke sara si ambeni zo so asoo kuâ ayeke li na ya ti bongbi ti ala.

Awatokua 4:21

Tongaso azo ti fango ngbanga ni akiri asuku na ala ngangu si na pekoni, ala zi ala. Ala baa so lege ti fâ ngbanga na li ti ala ayeke daa pepe, ngbanga ti so azo kue ayeke gonda Nzapa ndali ti ye so asi.

Awatokua 19:17

Azo ti gbata ti Efeze, azuife na azo ti amara nde ama tënë ti ye so; mbeto agbu ala kue si ala sepela iri ti *Kota Gbia Jésus.

Awatokua 5:5

So Ananias ama tënë so, lo ti si lo kui. Azo so kue ama tënë ti ye so, mbeto agbu ala mingi.

Jean 19:38

Na pekoni, Joseph, mbeni zo ti gbata ti Arimate ague, ahunda Pilate ti mu kuâ ti Jésus. – Joseph ayeke mbeni disiple ti Jésus, me lo mu peko ti lo na hondengo ni, ngbanga ti so mbeto ti amakonzi ti azuife asara lo. – Pilate ayeda. Tongaso Joseph ague, amu kuâ ni.

Jean 12:42

Andaa na popo ti amakonzi ti azuife, ambeni mingi ama na be na Jésus, me ala lingbi ti fa ni na le ti azo pepe, ngbanga ti *afarizien. Ala sara mbeto titene a tumba ala na ya ti ada ti sambelango Nzapa.

Jean 9:22

Babâ na mama ti lo atene tënë so, ngbanga ti so mbeto ti azuife asara ala. Andaa azuife ni atene, zo so kue ayeda atene, Jésus ayeke *Mesii, ala yeke tumba lo na ya ti da ti sambelango Nzapa ti ala.

Nzoni Tënë so Luc asu na mbeti 19:48

Me ala hinga ye so ala lingbi ti sara pepe, ngbanga ti so azo kue azia mê ti ala kue ti ma atënë so ayeke sigigi na yanga ti lo.

Ésaïe 33:14

Na *Sion, azo ti siokpari ado na mbeto, tere ti azo ti sioni ado. Ala yeke hunda tere ti ala, atene: “Wâ so ayeke gbi ye kue so, zo wa na popo ti e alingbi ande ti luti na tere ni, zo wa? Zo wa na popo ti e alingbi ti luti na tere ti kota wâ so ayeke gbi lakue lakue so zo wa?”

1 Agbia 17:18

Mama ti molenge ni atene na Élie: “Zo ti Nzapa, ti mo na mbi nyen? Mo ga na da ti mbi ti kiri ti fa na Nzapa peko ti asioni ye so mbi sara? Mo ga nga ti sara titene molenge ti mbi akui?”

Awatokua 5:26

Tongaso makonzi ti aturugu ni na azo ti lo ague, amu awatokua ni akiri na ala; me ala sara ngangu na awatokua ni pepe, ngbanga ti so ala sara mbeto titene azo abo ala na têne.

2 Korente 10:15

Kua so ambeni zo nde asara, e yeke gonda tere ti e ahon ndoni ndali ni pepe. Me ye so e zia be ti e daa ti ku ayeke so: tongana mabe ti ala akono, e yeke sara ande kota kua mingi na popo ti ala; me e yeke sara kua ni angba gi na ndo so Nzapa afa na e.