Awatokua 3:6 - Mbeti ti Nzapa - Tënë so amu fini

⁶ Me Pierre atene na lo: “Mbi yeke na nginza wala lôro pepe, me ye so mbi yeke na ni, mbi yeke mu na mo: na iri ti Jésus Christ, zo ti Nazaret, londo, mo tambula!”

Awatokua 3:6 Referans Kwoze

Awatokua 3:16

Koli so ala yeke baa lo si ala hinga lo so, ngangu akiri na ya ti tere ti lo ndali ti so lo ma na be na iri ti Jésus. Na lege so lo ma na be na Jésus, tere ti lo akiri aga nzoni; ye ni laa ala kue ayeke baa so.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 4:10

Ala na azo ti Israel kue, alingbi ala hinga atene, Jésus Christ, zo ti Nazaret, lo so ala fâ lo na ndö ti keke ti kroa si Nzapa azingo lo na kuâ, ngangu ti iri ti lo laa asara si koli so aluti na popo ti ala na nzoni tere so.

Awatokua 9:34

Pierre atene na lo: “Ene, Jésus Christ akai kobela ti mo awe! Londo, mo leke gbogbo ti mo!” Gi hio tongaso, Ene alondo.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Awatokua 16:18

Lo sara ye ni so na ya ti alango mingi. Ye ni ahon ndoni si be ti Paul aso, lo baa ndo na wali ni si lo tene na yingo ni, lo tene: “Na iri ti Jésus Christ, mbi mu yanga na mo: sigigi na ya ti wali so!” Gi na ndembe ni so, yingo ni asigigi na ya ti lo.

Marc 16:17

Azo so ama na be, aye ti kpene so ala yeke sara ande ayeke so: na iri ti mbi, ala yeke tumba asioni yingo, ala yeke tene tënë na ayanga nde so ala hinga ni pepe;

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 4:10

Nzapa amu amatabisi nde nde na zo oko oko. Tongaso, ayeke nzoni zo oko oko amu matabisi ni ti sara na nzoni na amba ti lo. Fade ala yeke ga anzoni ndombe ti aye nde nde ti Nzapa so lo mu na ala na lege ti nzoni be ti lo.

Awatokua 4:7

Ala zia *awatokua ni aluti na dawa ti ala si ala hunda ala, atene: “Na iri ti zo wa, wala na ngangu ti zo wa laa ala sara ye so?”

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 2:36

“Ayeke nzoni azo ti Israel kue ahinga tënë so mbirimbiri: Jésus so ala fâ lo na ndö ti keke ti kroa so, Nzapa asara si lo ga Kota Gbia na Mesii!”

Matthieu 10:9

Ala mu lôro, wala wen ti nginza wala bengba wen ti zia na ya ti bozo ti ala pepe;

Matthieu 7:22

Na lango ti fango ngbanga, fade azo mingi ayeke tene na mbi: ‘Kota Gbia, Kota Gbia, e tene peko ti tënë ti yanga ti mo, e tumba asioni yingo si e sara aye ti kpene mingi na iri ti mo pepe?’

2 Korente 6:10

Azo azia vundu na be ti e, me e yeke lakue na ngia; azo abaa e tongana azo ti mawa, me e yeke sara titene azo mingi aga azo ti mosoro; azo abaa e tongana azo so ayeke na ye oko pepe, me e yeke na ye kue.

Jean 19:19

Pilate amu yanga titene a su mbeti si a kanga na li ti keke ti kroa ni. Mbeti ni atene: “Jésus, zo ti Nazaret, gbia ti azuife.”

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

Marc 14:8

Lo sara ye so lo lingbi ti sara: lo tuku yombo na tere ti mbi kozoni ti ku na lango ti lungo kuâ ti mbi.

1 Korente 4:11

Nzara ti kobe ayeke sara e, nzara ti ngu ayeke sara e, e yeke na bongo pepe, azo ayeke sara sioni na e, e yeke tambula gi na nduzu na nduzu, ngbii asi fadeso.

Awatokua 3:5

Tongaso lo baa ala kpoo; lo baa ti lo, lo tene, ala yeke mu mbeni ye na lo.

Awatokua 3:7

Na pekoni, Pierre agbu lo na maboko ti koli si lo mu lo na nduzu. Gi hio tongaso, agere ti koli so akpengba nzoni.