Awatokua 28:18 - Mbeti ti Nzapa - Tënë so amu fini

¹⁸ So azo ti Rome ama tënë ti yanga ti mbi awe, ala ye ti zi mbi, ngbanga ti so ala wara mbeni tënë ti fango ngbanga ti kuâ na li ti mbi ndali ni pepe.

Awatokua 28:18 Referans Kwoze

Awatokua 23:29

Mbi baa so lo sara nga mbeni ye so alingbi na kuâ wala na kanga pepe. Tënë so ala yeke bi na li ti lo ayeke gi na ndö ti tënë ti ndia ti ala wani.

Awatokua 24:22

Félix so ahinga tënë nzoni na ndö ti lege so Jésus afa, apusu tënë ni na mbeni lango. Lo tene: “Fade mbi yeke fâ ya ti ngbanga ni tongana Lisias, kota komanda ti aturugu aga si.”

Awatokua 24:10

Govoronere asara maboko na Paul titene lo tene tënë; Paul atene: “Mbi hinga so mo fâ ngbanga na kodro so na ya ti angu mingi awe. Tongaso mbi zia be ti mbi na ndö ti mo so, fade mo yeke ma tënë so mbi yeke tene na ndö ti tënë so ala bi na li ti mbi.

Awatokua 22:30

Kota komanda ti aturugu ni aye ti hinga taa nda ti tënë so azuife ayeke bi na li ti Paul so. Tongaso, lango oko na pekoni, lo zi azingiri na tere ti Paul si lo mu yanga titene akota wayango-sandaga na azo ti *Kota Bongbi ti Fango Ngbanga kue abongbi tere. Na pekoni, lo mu Paul si lo zia lo luti na dawa ti ala.

Awatokua 25:25

Ti mbi, mbi baa mbeni ye so lo sara titene a fâ lo ndali ni pepe. Me so lo wani, lo ye titene a gue na ngbanga ti lo na gbe ti kota gbia ti Rome, mbi yeda ti tokua lo na kota gbia ni.