Awatokua 27:42 - Mbeti ti Nzapa - Tënë so amu fini

⁴² Aturugu aye ti fâ azo ti kanga ni kue si mbeni oko afâ ngu akpe pepe.

Awatokua 27:42 Referans Kwoze

Awatokua 12:19

Herode amu yanga titene ala gi lo, me ala wara lo pepe. Tongaso Herode ahunda aturugu ni na nda ti tënë ni si lo mu yanga titene a fâ ala. Na pekoni, Herode alondo na Judée si lo gue, lo duti kete na gbata ti Sezare.

Zo ti bongbingo azo 9:3

Na ndö ti sese so, mbeni sioni ye ayeke so: gi oko ye ayeke si na azo kue. Ndani laa be ti azo asi singo na aye ti sioni. So ala de na fini, ala sara ye tongana azo ti buba. Me na ndani, ala yeke gue na ndo ti akuâ.

Amato 12:10

Zo ti mbirimbiri ahinga ye so lo lingbi ti mu na anyama ti lo; me azo ti sioni ayeke baa mawa ti ti ala pepe.

Abia (Psaumes) 74:20

Baa ndo na tënë ti mbuki ti mo si! Na ndo so avuko vukongo na ya ti kodro ni, azo ahonde tere ti ala ti sara ngangu na amba ti ala.

Awatokua 27:24

si lo tene na mbi: ‘Paul, mbeto asara mo pepe! Alingbi mo gue, mo si na gbe ti kota gbia ti Rome titene lo fâ ngbanga ti mo. Ndali ti mo, fade Nzapa ayeke bata azo so kue ayeke na ya ti mangboko ni.’

Awatokua 27:41

Me ala gue, asi na ndö ti mbeni mbutu so ngu alinda na tere ni mbage na mbage. Li ti mangboko ni ali na ya ti mbutu si lege titene mangboko ni ahon ayeke daa pepe. Na mbage, ngangu ti *amapo akungbi peko ti mangboko ni kue.

2 Korente 11:26

Mbi tambula na gere mingi, aye ti sioni ahara mbi lege mingi: *abale asuku amu ndo kue, asioni zo, azo ti mara ti mbi na azo ti amara nde aye ti sara sioni na mbi; na ya ti agbata, na ya ti abenyama nga na le ti kota ngu-ingo, aye ti sioni aye ti si na mbi, a-ita ti mvene aye ti sara sioni na mbi.