Awatokua 27:10 - Mbeti ti Nzapa - Tënë so amu fini

¹⁰ “A-ita, mbi baa so tambula ni ayeke duti ande ngangu: mangboko ni na akungba ti ya ni kue ayeke buba mingi, e nga, e yeke na ya ti kuâ.”

Awatokua 27:10 Referans Kwoze

Amos 3:7

Biani, kozo titene Kota Gbia NZAPA asara mbeni ye, lo yeke fa tënë ti be ti lo na azo ti kua ti lo, awayanga-Nzapa.

Daniel 2:30

Ti mbi, a fa na mbi nda ti ye ti ndima ni fango; me ayeke ngbanga ti so mbi yeke na ndara mbi hon azo kue pepe. A fa ni na mbi, tongaso si a lingbi ti fa na mo gbia, nda ti bango-li ti mo si mo lingbi ti hinga nda ti ye so mo yeke gi be ti mo daa.

Abia (Psaumes) 25:14

KOTA GBIA ayeke fa tënë ti be ti lo na azo so ayeke kpe mbeto ti lo; lo yeke fa nga na ala tënë ti mbuki ti lo.

Awatokua 27:34

Tongaso mbi hunda na ala ti te kobe; ala te ni si ala soo kuâ. Fade kua ti li oko ti mbeni zo na popo ti ala ayeke ti pepe.”

1 Pierre 4:18

Mbeti ti Nzapa atene: “Tongana ayeke ngangu na zo ti mbirimbiri ti soo kuâ, fade ti zo ti sioni na zo ti sarango siokpari ayeke duti tongana nyen?”

Awatokua 27:31

Me Paul atene na kapita ti aturugu nga na aturugu, atene: “Tongana azo so angba na ya ti mangboko ni pepe, fade ala, aturugu, ala lingbi ti soo kuâ pepe.”

Awatokua 21:3

E si nduru na zoa ti Shipre; e ngba na ya ti mangboko si e yeke baa zoa ni. E zia ni si e sua na mbage ti Mbongo ti gue na sese ti Sirii. E gue, e si na yanga ti ngu ti gbata ti Tir, ngbanga ti so mangboko ni aye ti zia kâ akungba so lo yo ni.