Awatokua 26:25 - Mbeti ti Nzapa - Tënë so amu fini

²⁵ Paul akiri tënë na lo: “Gbia Festus! Mbi yeke zo ti gbogbolinda pepe. Atënë so mbi yeke tene so ayeke taa-tënë si ayeke tënë ti zo so li ti lo ayeke daa.

Awatokua 26:25 Referans Kwoze

Awatokua 23:26

“Mbi Claude Lisias, mbi tokua mbeti so na govoronere Félix. Mbi bara mo, gbia.

Tite 1:9

Alingbi lo ngba gi na ndö ti tënë ti Nzapa so ayeke taa-tënë si alingbi gi na ti so azo ti Nzapa afa kozoni. Tongaso si lo lingbi ti mu wango na azo na lege ti fango ye so ayeke mbirimbiri, lo lingbi nga ti fa na azo ti kengo tënë so, ala girisa lege awe.

1 Pierre 3:15

Na be ti ala, ala ne Christ, *Kota Gbia ti ala. Ala duti lakue nduru ti kiri tënë na azo so ayeke hunda na ala tënë na ndö ti ye so ala zia be ti ala ti ku.

1 Pierre 3:9

Ala kiri sioni ndali ti sioni pepe, ala kiri zonga ndali ti zonga pepe. Me ala sara tufa na ndö ti azo, ngbanga ti so Nzapa airi ala ndali ni, tongaso si fade Nzapa ayeke sara tufa na ndö ti ala.

Awatokua 24:3

Lakue, na ndo kue, e yeke yamba aye ni si e mu singila na mo mingi, gbia.

Jean 8:49

Jésus akiri tënë na ala: “Mbi yeke na sioni yingo oko pepe; mbi yeke ne Babâ ti mbi, me ti ala, ala yeke ne mbi pepe.

Nzoni Tënë so Luc asu na mbeti 1:3

Nilaa, kota zo Théophile, mbi nga, mbi baa mbi tene, ayeke nzoni mbi hunda nda ti aye so kue nzoni si mbi su ni na mbeti na mo na lege ti molongo ni.

Jérémie 29:26

“KOTA GBIA amu mo ti ga wayango-sandaga na peko ti Yoyada awe. Alingbi mo baa ndo na ndö ti azo ti gbogbolinda so atene, ala yeke awayanga-Nzapa si ala yeke sara kua na ya ti kota da ti Nzapa so. Alingbi mo kanga ala na ya ti olongbo, mo zia zingiri na go ti ala.