Awatokua 25:12 - Mbeti ti Nzapa - Tënë so amu fini

¹² Na peko ti so Festus ahunda awamungo-wango ti lo na tënë ti be ti ala awe, lo kiri tënë, lo tene: “So mo ye ti gue na ngbanga ni na gbe ti kota gbia ti Rome, fade mo yeke gue na gbe ti kota gbia ti Rome.”

Awatokua 25:12 Referans Kwoze

Filipe 1:20

Ndali ti ye so mbi yeke ku si mbi zia be ti mbi ti ku ni, kamene ayeke gbu ande mbi pepe. Me ti londo laso ngbii asi na tanga ti alango kue, ataa mbi kui wala mbi ngba na fini, mbi hinga biani na be ti mbi, mbi tene, dutingo ti mbi ayeke fa ande na azo so Christ ayeke kota mingi.

Awatokua 19:21

Na peko ti aye so asi, Paul aleke be ti lo ti hon na asese ti Masedoane na ti Akayi ti gue na Jérusalem. Lo tene: “Tongana mbi si kâ, alingbi mbi gue nga na Rome.”

Awatokua 28:16

So e si na Rome, a mu lege na Paul ti lango na ya ti mbeni senge da nde; a zia mbeni turugu oko na tere ti lo ti bata lo.

Awatokua 26:32

Agripa atene na Festus: “Tongana koli so ahunda fade ti gue na gbe ti kota gbia ti Rome pepe, ka a lingbi ti zi lo senge.”

Awatokua 25:21

Me Paul ahunda titene a gue na lo na gbe ti kota gbia ti Rome si kota gbia ti Rome wani afâ ngbanga ti lo. Tongaso mbi mu yanga titene a bata lo na da ti kanga ti ku na lango so mbi yeke tokua lo na kota gbia ni.”

Awatokua 23:11

Na bi ni, *Kota Gbia aluti na tere ti Paul si lo tene na lo: “Gbu ngangu! Mo fa awe peko ti ye so mo hinga na ndö ti mbi na Jérusalem. Alingbi mo sara nga tongaso na Rome.”

Abia ti demango tere 3:37

Zo wa laa atene gi tënë si mbeni ye abaa gigi, zo wa? KOTA GBIA laa ayeke mu yanga pepe?

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Matthieu 22:17

Tene na e, ti be ti mo: *Ndia amu lege na e ti futa lapo na kota gbia ti Rome, wala e futa ni pepe?”

Awatokua 25:11

Tongana mbi sara mbeni ye so ake ndia si mbi sara mbeni ye so alingbi titene a fâ mbi ndali ni, mbi yeke kpe kuâ ni pepe. Me tongana taa-tënë oko ayeke na ya ti atënë so ala bi na li ti mbi so pepe, zo oko alingbi ti zia mbi na maboko ti ala pepe. Mbi ye ti gue na ngbanga ni na gbe ti kota gbia ti Rome!”

Awatokua 25:13

Ambeni lango na pekoni, gbia Agripa na Berenise, ita ti lo ti wali asi na Sezare ti bara Festus.

Awatokua 27:1

So a mu yanga titene e mu mangboko ti gue na Italii, a mu Paul na ambeni zo ti kanga, a zia ala na maboko ti mbeni kapita ti aturugu so iri ti lo Yulius, kapita ti bongbi ti aturugu so a iri ni “Bongbi ti aturugu ti kota gbia.”