Awatokua 25:11 - Mbeti ti Nzapa - Tënë so amu fini

¹¹ Tongana mbi sara mbeni ye so ake ndia si mbi sara mbeni ye so alingbi titene a fâ mbi ndali ni, mbi yeke kpe kuâ ni pepe. Me tongana taa-tënë oko ayeke na ya ti atënë so ala bi na li ti mbi so pepe, zo oko alingbi ti zia mbi na maboko ti ala pepe. Mbi ye ti gue na ngbanga ni na gbe ti kota gbia ti Rome!”

Awatokua 25:11 Referans Kwoze

Awatokua 28:19

Me azuife ake, nilaa mbi baa gbaa si mbi hunda ti baa kota gbia ti Rome. Andaa mbi yeke na tënë oko ti bi na li ti azo ti mara ti mbi pepe.

Awatokua 26:32

Agripa atene na Festus: “Tongana koli so ahunda fade ti gue na gbe ti kota gbia ti Rome pepe, ka a lingbi ti zi lo senge.”

Awatokua 25:25

Ti mbi, mbi baa mbeni ye so lo sara titene a fâ lo ndali ni pepe. Me so lo wani, lo ye titene a gue na ngbanga ti lo na gbe ti kota gbia ti Rome, mbi yeda ti tokua lo na kota gbia ni.

Awatokua 25:21

Me Paul ahunda titene a gue na lo na gbe ti kota gbia ti Rome si kota gbia ti Rome wani afâ ngbanga ti lo. Tongaso mbi mu yanga titene a bata lo na da ti kanga ti ku na lango so mbi yeke tokua lo na kota gbia ni.”

1 Tesalonike 2:15

Azuife laa afâ *Kota Gbia Jésus na awayanga-Nzapa, ala sara nga ngangu na e. Ala yeke sara ye so azia ngia na be ti Nzapa pepe, ala yeke awato ti azo kue!

Awatokua 25:10

Paul atene: “Mbi luti na gbe ti azo ti fango ngbanga ti kota gbia ti Rome titene ala fâ ngbanga na li ti mbi gi na ndo so. Mo wani, mo hinga nzoni so, mbi sara sioni ye na azuife oko pepe.

Awatokua 22:25

Me so a kanga lo titene a pika lo, Paul atene na kapita ti aturugu so asara kua na lango ni so, atene: “Mbeni zo ti Rome so ade ti fâ ngbanga na li ti lo pepe, a mu na ala lege ti pika lo?”

Awatokua 18:14

Paul aye ti zi yanga ti tene tënë, me Galion akiri tënë na azuife, atene: “Tongana ayeke fade tënë ti mbeni ye ti sioni wala ye ti kirikiri so lo sara, ka mbi lingbi ti duti kpoo ti ma ala azuife senge.

Awatokua 16:37

Me Paul atene: “E yeke azo ti Rome. Azo ti fango ngbanga awara mbeni tënë na li ti e pepe; me ala pika e na le ti azo kue si abi e na da ti kanga. Fadeso ala ye ti zi e na hondengo ni? E ke awe! Ayeke nzoni ala wani aga azi e.”

Mbeti ti Job 31:21

Laoko mbi yoro maboko na le ti nyindu, ngbanga ti so mbi hinga, mbi tene, mbeni zo ti mu mbage ti mbi na le ti ngbanga ayeke daa?

1 Samuel 27:1

David atene na be ti lo, atene: “Mbeni lâ, Saul ayeke fâ mbi ande. Mbeni ye nde titene mbi sara ayeke daa pepe. Ayeke nzoni mbi kpe biani biani mbi honde tere ti mbi na ndo ti azo ti Filistii. Tongaso si Saul azia ti tumba peko ti mbi na sese ti Israel si mbi wara lege ti kpe na maboko ti lo.”

Josué 22:22

“Nzapa, Nzapa, KOTA GBIA! Nzapa, Nzapa, KOTA GBIA! Lo yeke Nzapa so ayeke na ndö ti anzapa kue. Lo hinga nda ti ye so e sara. Fade azo ti Israel kue ayeke hinga nda ti ye ni. Tongana e sara ngangu li wala e sara mbeni ye so ayeke sioni mingi ti ke KOTA GBIA, ayeke nzoni lo soo e na lango ni so pepe!

Jérémie 37:18

Na pekoni, Jérémie atene na gbia Sedesias: “Sioni ti nyen laa mbi sara na mo, wala na azo ti gbe ti mo, wala na azo ti gbata so si ala bi mbi na da ti kanga so?

Awatokua 25:12

Na peko ti so Festus ahunda awamungo-wango ti lo na tënë ti be ti ala awe, lo kiri tënë, lo tene: “So mo ye ti gue na ngbanga ni na gbe ti kota gbia ti Rome, fade mo yeke gue na gbe ti kota gbia ti Rome.”