Awatokua 22:30 - Mbeti ti Nzapa - Tënë so amu fini

³⁰ Kota komanda ti aturugu ni aye ti hinga taa nda ti tënë so azuife ayeke bi na li ti Paul so. Tongaso, lango oko na pekoni, lo zi azingiri na tere ti Paul si lo mu yanga titene akota wayango-sandaga na azo ti *Kota Bongbi ti Fango Ngbanga kue abongbi tere. Na pekoni, lo mu Paul si lo zia lo luti na dawa ti ala.

Awatokua 22:30 Referans Kwoze

Awatokua 23:28

So mbi ye ti hinga tënë so ala yeke bi na li ti lo, mbi gue na lo na gbe ti azo ti *Kota Bongbi ti Fango Ngbanga ti ala.

Awatokua 21:33

Tongaso kota komanda ti aturugu ni ague nduru na tere ti Paul, lo mu yanga titene ala gbu lo, akanga lo na zingiri use. Na pekoni, lo hunda azo ni, lo tene: “Lo yeke zo wa? Nyen laa lo sara?”

Awatokua 26:29

Paul akiri tënë, atene: “Ataa hio wala mbeni lâ, mbi yeke sambela Nzapa titene mo na ala so kue ayeke ma mbi laso, ala ga tongana mbi; me mbi ye titene a kanga ala na zingiri tongana mbi pepe!”

Awatokua 23:15

Tongaso, ayeke nzoni ala na azo ti *Kota Bongbi ti Fango Ngbanga, ala tokua na kota komanda ti aturugu ti Rome titene a mu Paul, a ga na lo. Ala tene, ala ye ti hinga ambeni tënë na ndö ti lo nzoni. Ti e, e yeke leke tere ti fâ lo kozoni si lo si.”

Awatokua 22:5

Kota wayango-sandaga na bongbi ti *akangba kue alingbi ti fa so, tënë so mbi yeke tene ayeke taa-tënë. Ala laa amu na mbi lani ambeti so ala tokua na a-ita, azuife ti Damas. Nilaa mbi gue kâ ti gbu azo ni ti kanga ala na zingiri ti kiri na ala na Jérusalem titene a sara pasi na ala.”

Awatokua 21:11

Lo ga ti baa e. Lo mu kamba ti ndö ti bongo ti Paul, lo kanga gere ti lo na maboko ti lo na ni si lo tene: “Ala ma tënë so Yingo-Vuru atene: fade azuife ayeke kanga wa ti kamba so tongaso na Jérusalem si ala yeke zia lo na maboko ti azo so ahinga Nzapa pepe.”

Awatokua 5:21

Awatokua ama yanga ti ange so: na ndaperere, ala gue, ali na ya ti kota da ti Nzapa si ala to nda ti fa ye na azo. Kota wayango-sandaga na azo ti tere ti lo airi *akangba ti azuife si ala bongbi, ala na azo ti *Kota Bongbi ti Fango Ngbanga kue. Na pekoni, ala tokua titene a mu awatokua, a ga na ala na gbe ti ala.

Matthieu 27:2

Ala kanga lo, ague na lo si ala zia lo na maboko ti govoronere Pilate.

Matthieu 10:17

Ala sara hange, ngbanga ti so fade azo ayeke gue na ala na gbe ti awafango-ngbanga. Fade azo ni ayeke pika ala na fimbo na ya ti ada ti sambelango Nzapa.

Matthieu 5:22

Ti mbi, mbi tene na ala: zo so asara ngonzo na tere ti ita ti lo, fade a yeke gue na lo na ngbanga; zo so atene na ita ti lo: ‘Buba zo!’, fade a yeke gue na lo na gbe ti azo ti *Kota Bongbi ti Fango Ngbanga; zo so atene na ita ti lo: ‘Mo, zo ti gbogbolinda so!’, lo lingbi titene a bi lo na ndo so wâ ayeke gbi daa lakue.

Awatokua 23:1

Paul abaa ndo na le ti azo ti *Kota Bongbi ti Fango Ngbanga ni mbirimbiri si lo tene: “A-ita, na ngoi so mbi mu peko ti Nzapa ngbii asi laso, na be ti mbi, mbi baa mbeni sioni ye ayeke na li ti mbi oko pepe.”

Awatokua 23:6

So Paul ahinga atene, ambeni zo ni ayeke *asadusien si ambeni ayeke *afarizien, lo dekongo na azo ti Kota Bongbi ti Fango Ngbanga ni, lo tene: “A-ita, mbi yeke farizien, mbi yeke molenge ti afarizien. Ndali ti so mbi yeke zia be ti mbi ti ku zingongo ti akuâ si a ga na mbi na gbe ti ngbanga so.”

Awatokua 23:20

Lo kiri tënë, lo tene: “Amakonzi ti azuife ama tere ti hunda mo ti mu Paul ti gue na lo na gbe ti azo ti *Kota Bongbi ti Fango Ngbanga kekereke. Ala ye ti handa mo atene, bongbi ti azo ni aye ti hinga ambeni tënë na ndö ti lo nzoni.