Awatokua 22:3 - Mbeti ti Nzapa - Tënë so amu fini

³ “Mbi yeke zuife, a du mbi na Tarse, na sese ti Silisii, me mbi kono ge na Jérusalem na gbe ti wafango-ye Gamaliel. Mbi manda ti bata lege ti ndia ti akotara ti e mbirimbiri si nzara ti mbi kue ayeke ti sara kua ti Nzapa tongana ti so ala kue ayeke sara ni laso.

Awatokua 22:3 Referans Kwoze

Awatokua 26:5

Azuife ahinga mbi aninga awe. Tongana ala ye, ala lingbi ti tene na mo so mbi yeke ando mbeni zo ti bongbi ti *afarizien, bongbi ti azo ti vorongo Nzapa ti e so ayeke bata ndia ahon tanga ti azo kue.

Awatokua 9:11

Kota Gbia atene na lo: “Mo londo, mo gue na lege so iri ni Mbirimbiri-Lege, mo li na da ti Judas, mo hunda mbeni koli ti kodro ti Tarse so iri ti lo Saul. Na ndembe so, lo ngba ti sambela

Awatokua 5:34

Me mbeni *farizien ayeke na popo ti azo ti fango ngbanga ni, iri ti lo Gamaliel. Lo yeke wafango-ndia si azo kue aye tënë ti lo mingi. Lo londo si lo hunda titene a sigigi na awatokua ni kete si.

Awatokua 21:39

Paul akiri tënë, atene: “Mbi yeke zuife, a du mbi na Tarse, na sese ti Silisii. Mbi yeke zo ti mbeni kota gbata. Mbi gbu gere ti mo, mu na mbi lege ti tene tënë na azo ni.”

Awatokua 21:20

So ala ma tënë ti lo awe, ala gonda Nzapa. Na pekoni, ala tene na Paul: “Ita, mo baa, azuife saki na saki ama na be si ala mu be ti ala kue ti bata *Ndia ti Moïse.

2 Korente 11:22

Azo ni ayeke azo ti mara ti Hebro? Mbi nga! Ala yeke azo ti mara ti Israel? Mbi nga! Ala yeke *ahale ti Abraham? Mbi nga!

Nzoni Tënë so Luc asu na mbeti 10:39

Lo yeke na mbeni ita ti lo ti wali so iri ti lo Marie. Marie aduti na sese na tere ti gere ti *Kota Gbia si lo yeke ma tënë so lo yeke tene.

2 Agbia 4:38

Élisée akiri na Gilgal. Andaa na ngoi ni so, kota nzara ati na ya ti kodro ni. So azo ti bongbi ti awayanga-Nzapa ayeke luti na dawa ti Élisée, lo tene na zo ti kua ti lo: “Mu kota tawa, mo to kobe ndali ti azo ti bongbi ti awayanga-Nzapa.”

Ndia ti fani use ni 33:3

KOTA GBIA aye amara kue ti Israel. Lo yeke bata azo so kue ayeke ti lo, ala so aduti na sese na gbe ti lo si ala yeke ma ye so lo yeke fa na ala.

Rome 11:1

Mbi hunda ndo, mbi tene: Nzapa ake azo ti lo awe? Oko pepe! Mbi wani, mbi yeke nga zo ti Israel, mbi yeke *hale ti Abraham, zo ti mara ti Benjamin.

Awatokua 23:6

So Paul ahinga atene, ambeni zo ni ayeke *asadusien si ambeni ayeke *afarizien, lo dekongo na azo ti Kota Bongbi ti Fango Ngbanga ni, lo tene: “A-ita, mbi yeke farizien, mbi yeke molenge ti afarizien. Ndali ti so mbi yeke zia be ti mbi ti ku zingongo ti akuâ si a ga na mbi na gbe ti ngbanga so.”

Awatokua 6:9

Ambeni zo alondo ti *bingbi tënë na Étienne. Ala yeke azo ti da ti sambelango Nzapa so a iri ni “Da ti Sambelango Nzapa ti azo so asigigi na gbe ti ngbaa”, ala na azo ti Sirene, ti Aleksandrii, ti Silisii na ti Azii.

2 Samuel 21:2

Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

Galasii 1:21

Na pekoni, mbi gue na sese ti Sirii na ti Silisii.

Galasii 1:14

Na lege ti vorongo Nzapa ti azuife, amba ti mbi azuife so ngu ti mbi na ala ayeke oko, mbi hon ala kue. Mbi yeke na nzara mingi ti sara ye alingbi na aye ti akotara ti e.

Awatokua 23:34

Govoronere adiko mbeti ni si lo hunda Paul atene, lo yeke zo ti sese wa? So lo hinga atene, Paul ayeke zo ti Silisii,

Awatokua 15:41

Paul ahon na ya ti asese ti Sirii na ti Silisii si lo yeke mu wango na azo ti *Eglize titene ala kpengba.

Awatokua 15:23

Ala mu na ala mbeti so na ya ni ala tene: “E, awatokua na akangba so e yeke a-ita ti ala, e bara ala a-ita ti e, azo ti Christ, so ayeke azo ti amara nde si ala yeke na Antioshe, na sese ti Sirii na ti Silisii.

Awatokua 11:25

Na pekoni, Barnabas ague na gbata ti Tarse ti gi Saul.

Awatokua 9:30

So a-ita ama tënë ni, ala mu Saul ague na lo na Sezare si ala tokua lo na Tarse.

Nzoni Tënë so Luc asu na mbeti 8:35

Azo aga ti baa ye so asi so. Ala si na tere ti Jésus si ala baa koli so lani asioni yingo asigigi na ya ti lo so. Lo yeke duti na gbe ti Jésus, lo yu bongo si li ti lo aga nzoni. Mbeto agbu ala kue.

Nzoni Tënë so Luc asu na mbeti 2:46

Na lango ota ni, ala wara lo na ya ti kota da ti Nzapa; lo duti na popo ti awafango-ye, lo yeke ma ala si lo yeke hunda nga ala na atënë.

Awatokua 9:1

Nzara ti sarango sioni na adisiple ti *Kota Gbia angba lakue na be ti Saul si lo yeke gi lege ti fâ ala. Tongaso, lo gue, lo baa kota wayango-sandaga,

Awatokua 26:9

Ti mbi, mbi baa lani mbi tene, alingbi mbi sara kue ti mingo iri ti Jésus, zo ti Nazaret.