Awatokua 22:10 - Mbeti ti Nzapa - Tënë so amu fini

¹⁰ Mbi hunda ndo, mbi tene: ‘Kota Gbia, fade mbi sara nyen?’ Kota Gbia atene na mbi: ‘Londo, mo gue na Damas. Kâ, fade a yeke fa na mo ye so kue Nzapa amu yanga titene mo sara.’

Awatokua 22:10 Referans Kwoze

Awatokua 16:30

Na pekoni, lo mu ala, lo sigigi na ala si lo hunda ala, lo tene: “Akota zo, fade mbi yeke sara nyen titene mbi soo kuâ?”

Awatokua 2:37

So azo ni ama tënë so, tënë ni agbu be ti ala mingi si ala hunda Pierre na ambeni watokua ni, atene: “A-ita, nyen laa alingbi e sara?”

Awatokua 10:33

Nilaa mbi tokua azo hio ti iri mo si mo sara nzoni be, mo ga so. Fadeso, e kue, e yeke ge na dawa ti Nzapa, e yeke ku ti ma tënë so Kota Gbia amu yanga na mo ti tene na e.”

Awatokua 9:6

Me mo londo, mo li na ya ti gbata ni. Kâ, fade a yeke fa na mo ye so mo lingbi ti sara.”

Awatokua 22:11

Le ti mbi avuko, ngbanga ti so lumiere ni aza mingi. Tongaso amba ti mbi agbu maboko ti mbi si ala gue na mbi na Damas.